Մարոկկոյի Սալե քաղաքի դատարանը երկու տարվա ազատազրկման է դատապարտել Յասին Աբաուդին՝ 2015 թվականի նոյեմբերին Փարիզում ահաբեկչություններ կազմակերպիչ Աբդելհամիդ Աբաուդի կրտսեր եղբորը:
Մարոկկոյում ազատազրկման են դատապարտել Փարիզի ահաբեկչությունների կազմակերպչի եղբորը
ՍՏԵՓԱՆԱԿԵՐՏ, 7 մայիսի, ԱՐՑԱԽՊՐԵՍ: Ինչպես հայտնում է Интерфакс գործակալությունը, դատապարտյալին, մասնավորապես, ազատազրկել են ահաբեկչությունն արդարացնող հայտարարությունների համար։ Սակայն Աբաուդի փաստաբանը պնդում է, որ իր պաշտպանյալը չի իմացել ավագ եղբոր ահաբեկչական գործունեության մասին։
Լրատվամիջոցները նշում են, որ համաձայն Մարոկկոյի իշխանությունների հայտարարությունների՝ 2002 թվականից երկրում բացահայտվել է 152 ահաբեկչական բջիջ, որոնցից 31-ը կապ են ունեցել Իրաքում և Սիրիայում ջիհադականների հետ։
Փարիզի ահաբեկչության կազմակերպիչ Աբդելհամիդ Աբաուդը սպանվել էր փարիզյան Սեն-Դենի արվարձանում՝ ոստիկանական գրոհի ընթացքում։
Փարիզում անցյալ տարեվերջին իրականացված ահաբեկչությունների հետևանքով զոհվել էր 130, վիրավորվել ավելի քան 350 մարդ։