«Եվրատեսիլ» երգի մրցույթում ռուս երգչուհու մասնակցության կապակցությամբ Ռուսաստանի ու ՈՒկրաինայի միջեւ ծագած վեճը դարձել է «քաղաքականացման» հերթական օրինակը, որով բնութագրվում է այս մրցույթը:
Guardian․ «Եվրատեսիլի» շուրջ վեճը դարձել է մրցույթի ավանդական քաղաքականացման նշան
ՍՏԵՓԱՆԱԿԵՐՏ, 15 ապրիլի, ԱՐՑԱԽՊՐԵՍ: Բեն Ռոյսթոնը, որը մինչ այդ «Եվրատեսիլ» մրցույթի լրատվական կայքի ղեկավարն է ու եղել է մի քանի հանձնաժողովների կազմում, հայտնել է, որ «քաղաքականությունը միշտ եղել է «Եվրատեսիլի» հոմանիշը, ու այս վերջին օրինակը ընդամենը վաղեմի ավանդույթի մի մասն է», գրում է The Guardian –ը։
Ռոյսթոնը նշել է, որ շատ երկրներ դիտարկում են «Եվրատեսիլը» որպես հարթակ իրենց ազգային ինքնությունն ու մշակույթը առաջ տանելու համար ու որպես ժամանակակից քաղաքական պետություն իրենց դրսեւորելու համար։
«Մրցույթի գոյության վեց տասնամյակներին աշխարհը տեսել է եւ պատերազմներ, եւ Բեռլինյան պատի քանդում, բայց այս տարի մրցույթում իրավիճակն ավելի լկտի ոճով դասավորվեց, քան երբեւէ»,- գրում է պարբերականը։
Վեճն իր գագաթնակետին հասավ, երբ «Առաջին ալիքը», որը պետք է հեռարձակի մրցույթը, հրաժարվեց դրանից որպես բողոքի նշան, որ Ռուսաստանը ներկայացնող Յուլիա Սամոլյովային արգելել են մտնել Ուկրաինայի տարածք։
Պարբերականը նշում է, որ պատմության ընթացքում սա առաջին մրցույթն է, երբ ընդունող երկիրը արգելում է մեկ այլ երկրի մասնակցի մուտքը իր տարածք։ Եվրատեսիլի շատ մասնակիցներ արդեն Ուկրաինային մեղադրել են մրցույթը «քաղաքականացնելու» մեջ։ Սակայն մյուսների գնահատականով էլ Սամոյլովայի թեկնածության առաջադրումը Ռուսաստանի կողմից է եղել քաղաքական քայլ, որը Ուկրաինային ստիպել է ընտրություն կատարել իր օրենքներին հետեւելու ու մրցույթի կանոնների միջեւ։