Լեռնային Ղարաբաղի սահմանամերձ մի շարք գյուղերի ինֆորմատիկայի ուսուցիչները Ստեփանակերտում վերապատրաստում կանցնեն:
Արցախի ինֆորմատիկայի ուսուցիչները վեբ-դիզայնի դասընթացներ կանցնեն
ՍՏԵՓԱՆԱԿԵՐՏ, 2 ՆՈՅԵՄԲԵՐԻ, ԱՐՑԱԽՊՐԵՍ: Այդ մասին NEWS.am-ի թղթակցին հայտնել է ծրագրի համակարգող, Տեղեկատվական տեխնոլոգիաների Գյումրու կենտրոնի(GITC) տնօրեն Ամալյա Եղոյանը:
Կենտրոնն ուսուցիչների վերապատրաստում իրականացնում է 2009թ.-ից՝ Հայկական կրթական հաստատության աջակցությամբ(AEF): Անցյալ տարիների ընթացքում դասընթացներ անցել են Տավուշի, Լոռու, Արագածոտնի մարզերի սահմանամերձ գյուղերի ուսուցիչները: «AEF»-ն ապահովում էր ուսուցիչների ժամանումը, «GITC» հրահանգիչների աշխատավարձը: Սեմինարներին զուգահեռ Կրթական հաստատությունը վերանորոգում է դպրոցներ առանձին գյուղերում, համակարգչային տեխնիկա փոխանցում, նշեց Եղոյանը: «Իհարկե, տրամաբանական է, որպեսզի այնուհետ այդ դպրոցների ուսուցիչները կարեւոր վերապատրաստում անցնեն»,- հայտարարեց նա:
Ծրագրի նոր փուլը մեկնարկում է դեկտեմբերի 3-ին, շարունակվելու է 4 շաբաթ: Ստեփանակերտում վերապատրաստում կանցնեն Ասկերանի շրջանի 5 դպրոցի, Մարտակերտի շրջանի 8, Մարտունու շրջանի 11 դպրոց: «Դրանք գյուղեր են, որտեղ, որպես կանոն, ե՛ւ աշակերտներն են քիչ, ե՛ւ համակարգիչներ չկան, ե՛ւ ենթակառույցների հետ խնդիրներ կան»,- հավելեց Եղոյանը:
Ստեփանակերտի ուսուցիչների համ,ար նման ծրագիր «GITC»-ն իրականացրել է 2010թ.-ին, դարձյալ Հայկական կրթական հաստատության աջակցությամբ: «Մենք զգույշ էինք տրամադրված. Սակայն շատ զարմացանք, երբ տեսանք, թե որքան արագ են արցախյան պետական մարմինները լուծում դասընթացների անցկացման օգնության հետ կապված խնդիրները: Հայաստանում երբեմն տեսնում էինք նման բան, երբեմն ոչ»,- նշեց Եղոյանը:
Դասընթացները ներառելու են, մասնավորապես, համակարգչային ինժեներիա եւ կայքերի ստեղծում: «Իսկ 2015թ.-ից մենք ուսուցիչների հետ մշտական վիդեոկոնֆերանսներ կհաստատենք, որպեսզի տեսնենք, թե որքանով են օգնել պարապմունքները»,- նշեց Եղոյանը: