ԱՄՆ-ի Հայ դատի հանձնախմբի գրասենյակը (ANCA) իր պաշտոնական ֆեյսբուքյան էջում գրառում է արել՝ առաջարկելով մայրաքաղաք Վաշինգտոնում թուրք դեսպանի պաշտոնական նստավայրի փողոցը, որտեղ Թուրքիայի նախագահ Ռեջեփ Թայիփ Էրդողանի թիկնապահները դաժանաբար ծեծել էին խաղաղ ցուցարարներին, այդ թվում՝ հայերի, վերանվանել հայտնի իրավապաշտպան, Օսմանյան կայսրությունում ԱՄՆ վերջին դեսպան, Հայոց ցեղասպանության ականատես Հենրի Մորգենթաուի պատվին:
ANCA-ն առաջարկել է Վաշինգտոնում թուրք դեսպանի նստավայրի փողոցը վերանվանել Ցեղասպանության ականատես Հենրի Մորգենթաուի պատվին
ՍՏԵՓԱՆԱԿԵՐՏ, 28 հունվարի, ԱՐՑԱԽՊՐԵՍ: Հիշեցնենք, որ 2017թ. մայիսի 16-ին Էրդողանի թիկնազորի անդամները դաժան ծեծի էին ենթարկել Վաշինգտոնում թուրքական դեսպանատան մոտ խաղաղ ցույց իրականացնող հայ, ամերիկացի և քուրդ քաղաքացիներին: Նրանցից ոմանք գլխուղեղի ցնցում, ատամի կոտրվածք և այլ վնասվածքներ էին ստացել, ինչպես նաև հետտրավմատիկ սթրեսի ենթարկվել, հայտնում է Tert.am-ը: