ԱՄՆ նախագահ Դոնալդ Թրամփը հայտարարել է, որ երկրում արտակարգ դրություն հայտարարելու հավանականությունը մեծ կլինի, եթե դեմոկրատների հետ բանակցությունները, կապված Մեքսիկայի հետ սահմանին պատ կառուցելու ֆինանսավորման հետ, մտնեն փակուղի:
Թրամփը չի բացառել երկրում արտակարգ դրություն հաստատելու հավանականությունը
ՍՏԵՓԱՆԱԿԵՐՏ, 2 փետրվարի, ԱՐՑԱԽՊՐԵՍ: «Ես կարծում եմ՝ մեծ հավանականություն կա, որ ստիպված ենք լինելու անել դա»,- ասել է Թրամփը:
Նշենք, որ երկրում արտակարգ դրություն հայտարարելուց հետո Թրամփը կստանա պաշտոնեական լիազորություններ՝ պաշտպանության նախարարության բյուջեից գումար հատկացնել սահմանային պատի կառուցման համար:
Կոնգրեսի ներկայացուցիչների պալատի խոսնակ Նենսի Փելոսին էլ հայտարարել է, որ 2019 թվականի բյուջեի օրինագծում չի լինի պատի կառուցման համար նախատեսված գումար: Փելոսին նաև հավելել է, որ դեմոկրատները պատրաստ են քննարկել սահմանային պահակակետերը բարձր տեխնոլոգիական սարքերով զինելու ֆինանսավորման և նոր անցակետեր ստեղծելու մասին հարցերը, գրում է SHANTNEWS.am լրատվական կայքը:
