ՍՏԵՓԱՆԱԿԵՐՏ, 8 փետրվարի, ԱՐՑԱԽՊՐԵՍ: «Արցախպրես»-ի  թղթակցի  հետ  զրույցում  15-ամյա   Ալեքս   Մանուկյանն   ասել է, որ    իր   տարիքային  խմբում  ընդրկված  էին աշխարհի  տասնյակ  երկրներից  շուրջ  350  մասնակից:

Ըստ  Ալեքսի՝    հունվարի 28-ին   տեղի  ունեցած   շախմատային  խաղի   ժամանակ   իր  մրցակիցը  եղել  է  ադրբեջանցի:

«Խաղն   անցել  է   բավականին  լարված   վիճակում.  յուրաքանչյուր   քայլ  անելուց  լուրջ   մտածում  էի, որ  հանկարծ   չսխալվեմ: Համառ  պայքարում  ես  կարողացա  հաղթել  իմ  մրցակցին: Իմ  հաղթանակը  նվիրել եմ  Հայոց բանակի  կազմավորման 27-րդ  տարեդարձին: Հունվարի 30-ին երկրորդ անգամ  կրկին մրցել  եմ  ադրբեջանցու  հետ  և   նորից   հաղթանակ  արձանագրել»,-ասել է  Ա.  Մանուկյանը  և   նշել, որ   իր  հաղթանակների  համար  ինքը  շնորհակալ  է  մարզիչ Հովիկ  Հայրապետյանին:

Մեր զրուցակիցը  նաև ավելացրել   է, որ  միջազգաին  մրցաշարում  ինքը  և  իր հարազատ   եղբայր  Սևակը   մասնակցել    են  9   խաղի, որտեղ  5  խաղում    հաղթել  է   ինքը, իսկ   4-ում՝  Սևակը:    Ալեքսը  տեղեկացրել է  նաև, որ  այս  տարվա  հունվարի  8-16-ը  եղբայրներով  մասնակցել են  նաև  Երևանում  կայացած  Անդրանիկ  Մարգարյանի անվան   միջազգային  շախմատի  մրցաշարին, որտեղ  18  տարիքային խմբում  ինքը   գրավել  է   3-րդ  մրցանակային  տեղ, իսկ  14  տարիքային  խմբում,  100 մասնակիցների  թվում,  Սևակը՝ առաջին   պատվավոր   տեղ:

Զրույցի  վերջում    Ա.  Մանուկյանը  նշել  է, որ    8  տարեկանից   սկսած  մասնակցելով   տարբեր   շախմատային  մրցաշարերի, ինքն  ունեցել  է  մեկ  նպատակ՝  շախմատային  մրցաշարերում    Արցախի  պատիվը  միշտ  բարձր  պահել: