Գերմանական Weidler աճուրդի տանը չի հաջողվել Նյուրնբերգ քաղաքում վաճառել ֆաշիստական Գերմանիայի առաջնորդ Ադոլֆ Հիտլերի՝ աճուրդի հանված հինգ կտավը, քանի որ գնորդների շրջանում առանձնակի հետաքրքրություն չի եղել:
Հիտլերի՝ աճուրդի հանված կտավների համար գնորդ չի գտնվել (լուսանկարներ)
ՍՏԵՓԱՆԱԿԵՐՏ, 11 փետրվարի, ԱՐՑԱԽՊՐԵՍ: Ինչպես նշում է tert.am-ն, կտավներից բացի աճուրդի էին հանվել ֆյուրերի անձնական իրերը, այդ թվում՝ սվաստիկայի նշանով ծղոտե աթոռն ու մի ծաղկաման:
Աղբյուրը մանրամասնում է, որ իրավապահները նախորդ շաբաթ առգրավել էին նմուշների մի մասը, ինչից հետո հետաքննություն է սկսվել՝ պարզելու դրա իսկությունը: Լուրջ կասկածներ կան առ այն, որ կտավներն ու մյուս նմուշները կեղծ են:
Աղբյուրը մանրամասնում է, որ իրավապահները նախորդ շաբաթ առգրավել էին նմուշների մի մասը, ինչից հետո հետաքննություն է սկսվել՝ պարզելու դրա իսկությունը: Լուրջ կասկածներ կան առ այն, որ կտավներն ու մյուս նմուշները կեղծ են:
Հիտլերը, որը երկու անգամ դիմել է, սակայն չի ընդունվել Վիեննայի Բարձր արվեստների ակադեմիա, երիտասարդ տարիքում նկարչությամբ է զբաղվել և վաճառել է իր կտավները: Սակայն, ոլորտի փորձագետների կարծիքով, նա առանձնակի տաղանդ չի ունեցել, իսկ նրա աշխատանքներն էլ ցածրորակ են գնահատվել: Այնուհանդերձ, դա չի խանգարել աճուրդի տներին տարիների ընթացքում հարյուր հազարավոր եվրոների եկամուտ ստանալ նացիստական առաջնորդի կտավների վաճառքից:
Գերմանիայում օրենքով արգելված է նացիստական խորհրդանիշների հանրային ցուցադրությունը. բացառություններ են արվում միայն կրթական կամ պատմական համատեքստում:
Բացի այդ, Հիտլերին առնչվող իրերի աճուրդները միշտ էլ հրապարակավ քննադատվում են հանրության լայն շերտերի կողմից:
Գերմանիայում օրենքով արգելված է նացիստական խորհրդանիշների հանրային ցուցադրությունը. բացառություններ են արվում միայն կրթական կամ պատմական համատեքստում:
Բացի այդ, Հիտլերին առնչվող իրերի աճուրդները միշտ էլ հրապարակավ քննադատվում են հանրության լայն շերտերի կողմից:
