Artsakhpress

Հասարակական

Արցախում նվազել է մարդու դեմ ուղղված հանցագործությունների թիվը

2018 թվականին Արցախում արձանագրված մարդու դեմ ուղղված հանցագործությունները նվազել են 21 դեպքով (2018թ.-ին՝ 239, 2017թ.-ին՝ 260):

Արցախում նվազել է մարդու դեմ ուղղված հանցագործությունների թիվը

Արցախում նվազել է մարդու դեմ ուղղված հանցագործությունների թիվը
ՍՏԵՓԱՆԱԿԵՐՏ, 13 փետրվարի, ԱՐՑԱԽՊՐԵՍ«Արցախպրես»-ի թղթակցի հաղորդմամբ` այս մասին այսօր` փետրվարի 13-ին կայացած ամփոփիչ մամուլի ասուլիսի ժամանակ ասել է ԱՀ գլխավոր դատախազ Արթուր Մոսիյանը` մանրամասնելով, որ հանրապետության տարածքում մարդու դեմ ուղղված հանցագործությունների շարժընթացում արձանագրված ցուցանիշների վերլուծությունից դիտվում է, որ հաշվետու ժամանակահատվածում  հանրապետության տարածքում արձանագրվել է սպանության 2  դեպք: (2018թ.-ին՝ 2, 2017 թվականին՝ 1): 2018 թվականին  գրանցված սպանության դեպքերը  արձանագրվել  են Մարտակերտի և Հադրութի շրջաններում:
«Անցած տարում Արցախի տարածքում արձանագրվել է նաև հասարակական անվտանգության, հասարակական կարգի և բնակչության առողջության դեմ ուղղված հանցագործությունների 223(2017թ.-ին՝ 233), սեփականության դեմ ուղղված հանցագործությունների 174(2017թ.-ին՝ 179), այդ թվում 27-ը՝ (2017թ.-ին՝ 18)   պետական կամ հանրային գույքի հափշտակության, իսկ 147-ը՝ (2017թ.-ին 161), անձնական գույքի հափշտակության, տնտեսական գործունեության դեմ ուղղված հանցագործությունների 13(2017թ.-ին՝ 11), պետական իշխանության, ծառայության և կառավարման կարգի դեմ ուղղված հանցագործությունների 56 (2017թ.-ին՝ 37), այլ հանցագործությունների 18 (2017թ.-ին՝ 22) դեպք:   2018 թ.-ին սպանության փորձի դեպքեր չեն արձանագրվել: Հաշվետու ժամանակաշրջանում գրանցվել է դիտավորությամբ առողջությանը վնաս պատճառելու 74 դեպք (2017 թ.-ին՝ 79), որից 6-ը (2017 թվականին՝ 4-ը) առողջությանը ծանր վնաս հասցնելու դեպքեր են: Նշված 6 դեպքերից 1-ը արձանագրվել է Ստեփանակերտ քաղաքում, 2-ը՝ Ասկերանի, 1-ը՝ Մարտունու, 2-ը՝ Հադրութի  շրջաններում»,- նշել է Ա. Մոսիյանը:
Նրա խոսքով՝ ի տարբերություն նախորդ տարվա, երբ 10 դեպքով աճել էր սեռական անձեռնմխելիության դեմ ուղղված հանցագործությունների թիվը, հաշվետու ժամանակահատվածում նշված բնույթի հանցագործությունների թիվը նվազել է      10-ով:
«Եթե 2017 թվականին արձանագրվել է 19, ապա 2018 թ.-ին նման հանցագործության 9   դեպք է եղել: Նշված հանցագործության շեշտակի՝ 6 դեպքով նվազում է արձանագրվել Քաշաթաղի շրջանում՝ 1 դեպք նախորդ տարվա 7-ի դիմաց: Միևնույն ժամանակ ողջունելի է, որ 2018 թ.-ին հանրապետության տարածքում բռնաբարության և բռնաբարության փորձի դեպքեր չեն արձանագրվել(2017 թ.-ին ևս չի արձանագրվել): 7 դեպքով նվազում է արձանագրվել մարդու դեմ ուղղված այլ հանցագործությունների շարժընթացում (2018թ.-ին՝ 154, 2017 թ.-ին՝ 161), որոնց տեսակարար կշռում մեծ թիվ են կազմում  հիմնականում քրեական օրենսգրքի 117-րդ՝ հոդվածով/ծեծ/ նախատեսված հանցագործությունների դեպքերը: Մարդու դեմ ուղղված հանցագործությունների բացահայտման ցուցանիշը կազմել է 100%(2017թ.-ին՝ 100%)»,- ավելացրել է Ա. Մոսիյանը:
ԱՀ գլխավոր դատախազի խոսքով՝ ուսումնասիրելով մարդու դեմ ուղղված հանցագործությունների կատարման պատճառները և դրանց նպաստող պայմանները՝ արձանագրվել է, որ նշված բնույթի հանցագործությունների կատարման պատճառ են հանդիսացել հիմնականում կենցաղային հողի վրա առաջացած հարցերը: Մասնավորապես ծեծի, առողջությանը վնաս պատճառելու հանցագործության դեպքերով ուսումնասիրությամբ պարզվել է, որ դեպքերին հիմնականում նախորդում են հանցագործություն կատարած անձանց և տուժողների միջև ծագած վիճաբանությունները, դրանց վերաբերյալ  պարզաբանումները, որոնք հաճախ կրում են շարունակական բնույթ, իսկ առանձին դեպքերում զուգորդվում են հասարարական վայրերում կամ բնակավայրերից հեռու կազմակերպվող հանդիպումներով:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Նախագահական ընտրություններին առաջադրվելու նպատակով սկսում եմ քաղաքական կոնսուլտացիաներ. Վիտալի Բալասանյան

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Բակո Սահակյանն ընդունել է Արցախյան շարժման մի խումբ ակտիվիստների

Ամենայն հավանականությամբ, մեր կուսակցությունը ևս թեկնածու կառաջադրի. Վարդգես Բաղրյան

Ստեփանակերտի քաղաքապետարանը կազմակերպել է գրական-երաժշտական երեկո

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին

Երեքն են (վերլուծական)

Search