Artsakhpress

Հասարակական

Շրջանային բուժհաստատություններ ուղեգրվող բժիշկ-մասնագետները կօգտվեն արտոնություններից. ոլորտի պատասխանատու

ԱՀ կառավարության որոշման համաձայն՝ ընթացիկ տարվանից Արցախում արդեն գործում է պետական պատվերի շրջանակներում ուսումն առած և ԱՀ շրջանային բժշկական հաստատություն ուղեգրվող բժիշկ-մասնագետին ֆինանսական աջակցություն ցուցաբերելու նոր կարգը:

Շրջանային բուժհաստատություններ ուղեգրվող բժիշկ-մասնագետները կօգտվեն արտոնություններից. ոլորտի պատասխանատու

Շրջանային բուժհաստատություններ ուղեգրվող բժիշկ-մասնագետները  կօգտվեն    արտոնություններից. ոլորտի  պատասխանատու
ՍՏԵՓԱՆԱԿԵՐՏ, 14 փետրվարի, ԱՐՑԱԽՊՐԵՍ«Արցախպրես»-ի  թղթակցի  հետ  զրույցում    ԱՀ  առողջապահության  նախարարության     աշխտակազմի   իրավաբանական  և    լիցենզավորման   բաժնի  վարիչ  Լուսինե   Հովհաննիսյանն  ասել է, որ  նոր  կարգի  համաձայն՝   բժիշկ-մասնագետի  հաստատություն  ուղեգրումը  նախարարության  առաջարկությամբ  նրա  բնակության  վայրից  դուրս  կամ  բնակության  վայրում   աշխատանքի  ընդունվելն  է: Բժիշկ-մասնագետը  նախարարության  կողմից  կարող  է   ուղեգրվել  հաստատություն  աշխատանքի՝  որպես   հիմնական   կամ  համատեղությամբ  աշխատող:
 «Բուժհաստատություն  ուղեգրվող    բժիշկ-մասնագետին   յուրաքանչյուր  ամիս  տրվում  է  ֆինանսական  աջակցություն՝  իր   բնակության  վայրում  տվյալ   ամսվա  համար  հաշվարկված  հիմնական  աշխատավարձի  30 %-ի  չափով, իսկ  բնակության  վայրից   30  և ավելի   կմ  հեռավորությամբ  այլ  բնակավայր ուղեգրվող  բժիշկ-մասնագետին՝  աշխատավարձի  50  %-ի  չափով: Որոշման  համաձայն՝ աշխատանքի վայրում    բնակելի  տարածություն  չունեցող  բժիշկներին  տրվում  է  նաև  բնակվարձ՝  Ստեփանակերտ  քաղաքում  40  հազար  դրամ, շրջկենտրոններում՝  25  հազար, իսկ  այլ  բնակավայրերում՝  20 հազար: Ֆինանսական   աջակցության   ցուցաբերման   ժամկետը  մինչև  տաս  տարի  է:   Եթե այլ  բնակավայր  ուղեգրվող բժիշկ-մասնագետները  ամուսիններ են, ապա  նրանցից  մեկին  է  միայն  տրվում  բնակվարձ, իսկ   մյուս  արտոնություններից  երկուսն  էլ   օգտվում  են: ՀՀ-ից  տեղափոխված՝  նախկինում  ֆինանսական  աջակցություն  ստացող  ԱՀ  Քաշաթաղի,  Հադրութի  և  Մարտակերտի  շրջաններ  ուղեգրված   բարձրագույն  բժշկական  և  հետբուհական  մասնագիտական  կրթություն  ստացած  բժիշկները  կարող  են  օգտվել ֆինանսական  աջակցությունից մինչև   50   %-ի  չափով՝  բացառությամբ  թոշակառուների: Նոր  կարգի  դրույթները   չի  վերաբերում  Ստեփանակերտ քաղաքի, Ասկերանի և Շուշիի  շրջանների  բժշկական   հաստատություններ  ուղեգրվող   բժիշկ-մասնագետներին»,- մանրամասնել է  Լ.  Հովհաննիսյանը՝    ընդգծելով, որ  հին  որոշման  համաձայն՝  բժիշկ-մասնագետների  ուղեգրման  ֆինանսական հարցերը    և   ժամկետները  որոշում  էր   առողջապահության  նախարարը, իսկ  նոր  կարգի  համաձայն՝  ԱՀ  կառավարությունը  սահմանել  է   վերոնշյալ   հստակ  կարգերը:
Նա   նաև  նշել է, որ  բուժհաստատություն   ուղեգրվելու  ցանկություն  ունեցող  բժիշկ-մասնագետները  կարող  են  գրավոր  դիմել  ԱՀ  առողջապահության   նախարարություն՝  ներկայացնելով  անձնագրի, մասնագիտական  կրթության    մասին  վկայող  փաստաթղթի (դիպլոմ) և  աշխատանքային  գրքույկի   պատճենները:
Ըստ մեր զրուցակցի՝  ներկայումս բժիշկ-մասնագետների կարիք  է զգացվում  Քաշաթաղի  շրջանում, Հադրութում, Մարտունիում, Մարտակերտում  և  Քարվաճառում:
«Այս  տարվա  ամռանն  կունենանք   Երևանի  պետական  բժշկական  համալսարանի յոթ շրջանավարտ, ովքեր  աշխատելու  նպատակով կուղեգրվեն  շրջաններ: Այս  ծրագրում ընդգրկված են  18  բժիշկ-մասնագետ»,-ավելացրել  է  Լ.  Հովհաննիսյանը: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Արթուր Մկրտչյանն այսօր կդառնար 60 տարեկան. քաղաքական գործիչն ընկերների հուշերում

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Ստեփանակերտում գործում է «Վիտա Մեդ» բժշկական նոր կենտրոն

Արցախյան շարժման հիմքը մեր միասնականությունն է. Վահրամ Բալայան

Բակո Սահակյանն ընդունել է Արցախյան շարժման մի խումբ ակտիվիստների

Google-ը տարվա ընթացքում ավելի քան 13 մլրդ դոլար կներդնի ԱՄՆ-ում տվյալների մշակման իր կենտրոններում ու գրասենյակներում

Արայիկ Հարությունյանը վստահ է՝ Արցախում գյուղատնտեսությունը տնտեսական աճն ապահովող հիմնական ուղղություններից է լինելու

Հաթերքում կկազմակերպվի ժենգյալով հացի երկրորդ փառատոն

Search