Artsakhpress

Հասարակական

«Լեռնային Ղարաբաղի հիմնախնդիր. Չսպիացող վերք» գիրքն արաբալեզու ընթերցողին կներկայացնի ԼՂ հիմնահարցի ողջ պատմությունը

Սիրիայում Հայաստանի Հանրապետության նախկին դեսպան Արշակ Փոլադյանի «Լեռնային Ղարաբաղի հիմնախնդիր. Չսպիացող վերք» արաբերենով հրատարակված գիրքն արաբալեզու ընթերցողներին կներկայացնի Լեռնային Ղարաբաղի հիմնահարցի ողջ պատմությունն ու հակամարտության կարգավորման ներկայիս իրավիճակը:

«Լեռնային Ղարաբաղի հիմնախնդիր. Չսպիացող վերք» գիրքն արաբալեզու ընթերցողին կներկայացնի ԼՂ հիմնահարցի ողջ պատմությունը

«Լեռնային Ղարաբաղի հիմնախնդիր. Չսպիացող վերք» գիրքն արաբալեզու ընթերցողին կներկայացնի ԼՂ հիմնահարցի ողջ պատմությունը

ՍՏԵՓԱՆԱԿԵՐՏ, 20 փետրվարի, ԱՐՑԱԽՊՐԵՍ-ԱՐՄԵՆՊՐԵՍ: Այս մասին փետրվարի 20-ին լրագրողների հետ զրույցում ասաց գրքի հեղինակը:

«Երկար տարիներ արաբական տարածաշրջանում իբրև դեսպան աշխատելով, միշտ էլ նկատել եմ, որ կա տեղեկատվության պակաս Լեռնային Ղարաբաղի հիմնահարցի վերաբերյալ: Կամ էլ այն ադրբեջանցիների կողմից եղել է նենգափոխված: Դա ինձ ստիպեց, որ ես ձեռնարկեմ այս աշխատանքը: Այստեղ հիմնականում անդրադարձել եմ պատմական անցյալին, ներկային, կարգավորման գործընթացին և հատկապես Մերձավոր Արևելքում թյուրքական ցեղերի տարածմանը, որը սկիզբ է առել 11-րդ դարում: Հատուկ այս բաժինը ներառել եմ, որպեսզի արաբալեզու ընթերցողի համար հստակ լինի, թե խոսքն ինչի մասին է, որովհետև ադրբեջանցիներն օր ու գիշեր կեղծում են պատմությունը, փորձում են ցույց տալ իրենց տեղաբնիկ լինելու հանգամանքը»,- ասաց Փոլադյանը:
Գիրքն իր տեսակի մեջ առաջինն է: Այն հրատարակվել է 2018թ. Սիրիայի մայրաքաղաք Դամասկոսում:
ՀՀ Արտաքին գործերի նախարար Զոհրաբ Մնացականյանը կարևորեց գրքի առկայությունը՝ նշելով, որ այն ևս մեկ անգամ ներկայացնում է մի ժողովրդի պատմություն, որն իր ամբողջ գոյության ընթացքում պայքարել է իր խաղաղության համար:
«Այս գրքում պատմվում է մեր ժողովրդի մասին, որը ցանկանում է անվտանգություն և խաղաղություն իր համար ու պատրաստ է պայքարել դրա համար: Եվ մեր վճռականությունը խաղաղության համար բավական ամուր է»,- ասաց Մնացականյանը:
Արշակ Փոլադյանի հեղինակած «Լեռնային Ղարաբաղի հիմնախնդիր. Չսպիացող վերք» գիրքը նվիրված է Ղարաբաղյան շարժման 30-ամյակին:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ստեփանակերտում դիմավորել են Եվրոպայի առաջնությունից հաղթանակով վերադարձած սամբիստներին (լուսանկարներ)

Հրազենային վիրավորում ստացած պայմանագրային զինծառայողը մահացել է

Լիբիայի ժամանակավոր կառավարությունը ճանաչեց Հայոց ցեղասպանությունը

Համահայկական խաղերի բացումը կլինի Ստեփանակերտում

Թուրքիայի միակ հայկական գյուղում կբացվի երկրի միակ հայկական թանգարանը

Ստեփանակերտում տեղի է ունեցել Մաղավուզի հանքանյութից ստացված նավթամթերքի շնորհանդեսը (տեսանյութ)

Ստեփանակերտի Աստվածամոր Սուրբ Հովանի Մայր Տաճարի բակում կազմակերպվելու է Սուրբ Զատկի տոնին նվիրված միջոցառում

Ուսուցիչների աշխատավարձերի բարձրացման հարցը քննարկման փուլում է. Նարինե Աղաբալյան

Ադրբեջանի ԱԳՆ-ն դիմել է Հայաստանի ԱԳՆ-ին

Search