Փետրվարի 24-ին Երևանում կայացած ձյուդոյի Հայաստանի երիտասարդների առաջնությանը մասնակցել է նաև արցախցի չորս մարզիկ:
Երևանում կայացած ձյուդոյի Հայաստանի երիտասարդների առաջնությանն արցախցի մարզիկները գրավել են առաջնային տեղեր
ՍՏԵՓԱՆԱԿԵՐՏ, 25 փետրվարի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում տեղեկացրել է Արցախի ձյուդոյի ֆեդերացիայի գլխավոր մարզիչ Իվան Ազիզբեկյանը: Մրցաշարին արցախցի մարզիկ Ռուզաննա Բալասնյանը գրավել է երկրորդ մրցանակային տեղ, իսկ Արման Ավանեսյանը՝ երրորդ: Ի դեպ, նախօրեին տեղի ունեցած սամբոյի երիտասարդների Հայաստանի առաջնությանն Արման Ավանեսյանը 90 կգ քաշային կարգում գրավել է առաջին տեղ, իսկ Ռոբերտ Սիմոնյանը 87 կգ քաշային կարգում՝ երրորդ:
Ըստ մեր զրուցակցի՝ արդյունքները գոհացուցիչ են: Խոսելով առաջիկա ծրագրերի մասին՝ Ի. Ազիզբեկյանը նշել է, որ առաջիկայում իրենք պատրաստվում են մասնակցել Երևանում կայանալիք սամբոյի առաջնությանը:
