Միջոցառմանը   հրավիրված էին  նաև   «Շանթ» հեռուստաընկերության «Հումորի լիգա» նախագծի «Զվերապոլիս», «Հեթ-Տրիկ» և «Գոլֆ երեք»  թիմերը:

Վերջիններս   արցախցի  հանդիսատեսին  ներկայացրել  են  իրենց  հումորային  համարներից:

Մրցույթին    մասնակցած    չորս   թիմերն  էլ   հանդես  են  եկել   յուրահատուկ  հումորային    համարներով: 

Ժյուրիի   որոշմամբ  «Արցախի գավաթ»  մրցանակը տրվել  է    Գրիգոր  Նարեկացի  և   Արցախի պետական համալսարաններին:

Խաղ-մրցույթի   ժյուրիի  անդամներից  Աշոտ  Սարգսյանն  ասել է, որ  վերջին  տարիներին   Արցախում  անման   հումորային  երեկո  չի  եղել. այն   հրաշալի  էր   իր      տարաբնույթ   զվարճալի  խաղացանկով:

«Մրցույթի   մասնակիցները   լավ  էին պատրաստվել,  բոլորն  էլ  հանդես  են  եկել    յուրահատուկ    ձևով: Պետք  է   խոստովանեմ, որ     Գրիգոր  Նարեկացի   համալսարանի      թիմն  ինձ  համար  հայտնություն  էր»,-նշել  է  Ա.  Սարգսյանը:

Միջոցառման  վերջում  «Հումորի  լիգա»-իտնօրեն  Արամ  Մելիքյանն    իր  գոհունակությունն  է  հայտնել    բոլոր   թիմերի  անդամներին  հետաքրքիր  հումորային  ներկայացումների  համար՝   ասելով,  որ  «Արցախի գավաթ»  մրցույթի     չորս    թիմերին  էլ  իրավունք    է   տրվում   մասնակցելու Հայաստանում  կայանալիք   «Հումորի լիգա»-ի  խաղերին:

Արցախի  հումորի   լիգայի  գեղարվեստական  ղեկավար  Ավետ  Բադալյանը  մեզ  հետ  զրույցում  ասել է, որ    «Հումորի  լիգա»  նախագծի  ստեղծման   մտահղացումը  «FunnyMen Production»-ինն  է:

«Նրանք   շոուի  ցուցադրության  համար  հայտ  են    ներկայացրել  «Շանթ» հեռուստաընկերությանը,  և  ստացել  վերջինիս համաձայնությունը: «Հումորի  լիգա»-ն արդեն  հասցրել  է  ունենալ  իր    երկրպագուները:  Հիմնական   նպատակն  է   ներկայացնել  հետաքրքիր,  հարուստ,  բազմաժանր  և  մակարդակով  հումորային  ելույթներ, որպեսզի   ցանկացած    հանդիսատեսի  կողմից  այն  հավանության  արժանանա:  Մենք   խաղի   ժամանակ  ներ  ենք  դնում  մեր  ողջ  կարողությունները, որ  հաղթանակի  հասնենք»,-մասնավորապես  ավելացրել   է  Ա. Բադալյանը:

Միջոցառմանը   ներկա  էին    ԱՀ  մշակույթի, երիտասարդության  հարցերի  և զբոսաշրջության  նախարար  Լեռնիկ  Հովհաննիսյանը, ոլորտի    ներկայացուցիչներ,  թիմերի  երկրպագուներ   և  այլք:

Տեղեկացնենք, որ  այսօր՝  մարտի 9-ին, ժամը՝ 20:00-ին, Ստեփանակերտի  մշակույթի  և երիտասարդության   պալատում   տեղի կունենա «Հումորի լիգա»-ի համերգը:  Տոմսերի համար ցանկացողները  կարող  են   զանգահարել 097544584 կամ 047941119  հեռախոսահամարներով: