Boeing ընկերությունը հավանություն Է տվել բոլոր Boeing 737 MAX-երի թռիչքների արգելմանը:
Boeing-ը պաշտպանել Է Աֆրիկայում կործանված ինքնաթիռի մոդելի թռիչքների արգելումը
ՍՏԵՓԱՆԱԿԵՐՏ, 14 մարտի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին ասված Է կորպորացիայի կայքում հրապարակված հաղորդագրության մեջ:
Նշված Է, որ թռիչքների դադարեցման հանձնարարականի որոշումն ընդունվել Է Դաշնային ավիացիոն վարչության (ԴԱՎ), Տրանսպորտի անվտանգության ազգային վարչության, ամբողջ աշխարհի ավիացիոն իշխանությունների եւ սպասարկյալների հետ կայացած կոնսուլտացիաներից հետո: Սակայն ընկերությունում, ինչպես միշտ, վստահ են 737 MAX-ի անվտանգությանը, ասված Է հաղորդագրության մեջ:
Ավելի վաղ ԱՄՆ-ի նախագահ Դոնալդ Թրամփը հայտարարել Է Boeing 737 MAX 8-ի եւ MAX 9-ի թռիչքների ժամանակավոր արգելման մասին:
CNN հեռուստաընկերության գնահատմամբ՝ առնվազն 45 երկրների ավիաընկերություններ դադարեցրել են Boeing 737 MAX նորագույն շարքի ինքնաթիռների երկու երրորդի շահագործումը Եթովպիայում տեղի ունեցած ավիաաղետից հետո: Boeing-ը պատվիրատուներին մատակարարել Է այդ սերիայի 385 ինքնաթիռ, որոնք թողարկվում են չորս վերափոխակներով, դրանցից 344-ը Boeing 737 MAX 8 Է, վերափոխակ, որի նմուշը կործանվեց Եթովպիայում:
