Artsakhpress

Հասարակական

Ստեփանակերտում կազմակերպվել է «Անվտանգ սնունդ, առողջ սերունդ» կարգախոսով իրազեկման ակցիա (լուսանկարներ)

Սպառողների իրավունքների պաշտպանության միջազգային օրվան նվիրված՝ այսօր ԱՀ գյուղատնտեսության նախարարության սննդամթերքի անվտանգության պետական ծառայության (ՍԱՊԾ) նախաձեռնությամբ «Անվտանգ սնունդ, առողջ սերունդ» կարգախոսով կազմակերպվել է իրազեկման ակցիա:

Ստեփանակերտում կազմակերպվել է «Անվտանգ սնունդ, առողջ սերունդ» կարգախոսով իրազեկման ակցիա (լուսանկարներ)

Ստեփանակերտում   կազմակերպվել  է «Անվտանգ սնունդ, առողջ սերունդ» կարգախոսով  իրազեկման  ակցիա (լուսանկարներ)
ՍՏԵՓԱՆԱԿԵՐՏ, 15 մարտի, ԱՐՑԱԽՊՐԵՍՍԱՊԾ աշխատակիցները հանդիպել են Ստեփանակերտի Խաչատուր Աբովյանի անվան N 1 հիմնական դպրոցի ուսուցիչների և աշակերտների  հետ, ներկայացրել սպառողների իրավունքները, խոսել  սննդամթերքի անվտագության  մասին, ցուցադրել  տեսանյութ, պատասխանել  ներկաներին  հետաքրքրող հարցերին, բաժանել   բուկլետներ:
Հանդիպման  ժամանակ   հարցերին   ակտիվ    պատասխանող  մի խումբ  աշակերտներ  կառույցի  կողմից   պարգևատրվել  են  նվերներով: 
Ակցիայի   շրջանակներում  ծառայության  աշխատակիցները  Շուշիի  տեխնոլոգիական  համալսարանի  ուսանողների  հետ   նաև  շրջայց  են  իրականացրել   մայրաքաղաքի մի  շարք     խանութներում  և  տեղում  սպառողներին  տրամադրել    սննդամթերքի   անվտանգության  իրազեկման մասին   բուկլետներ:
Այնուհետև  ԱՀ  գյուղատնտեսության  նախարարության   նիստերի   դահլիճում   տեղի  է  ունեցել     ակցիայի  ժամանակ  ակտիվ   ուսանողների    պարգևատրման  արարողություն:
«Արցախպրես»-ի  թղթակցի  հետ  զրույցում  ԱՀ  ՍԱՊԾ   պետ  Արթուր  Ներսիսյանն  ասել է, որ սննդամթերքի  անվտանգությունը  խոսում   է  մարդու  առողջության  վրա  վնասակար  ազդեցության  անթույլատրելի     ռիսկի  բացակայության  մասին: Այն  ապահովում  է ընթացակարգերի  կիրառման  միջոցով,   որոնց  արդյունքում  սպառողին  մատակարարվում  է  անվտանգ  սննդամթերք:
Խոսելով  սպառողների   իրավունքների    և  պաշտպանվածության  մասին՝  մեր զրուցակիցն  ասել  է, որ  սպառողն  այնքանով  է  պաշտպանված, ինչքան  որ   իրազեկված  է այդ  մասին:
«Սպառողների  միջազգային  օրվա  կապակցությամբ  մեր    ծառայության   կողմից   ընթացիկ   տարվա   մարտի  9-ից  հայտարարվել  է   իրազեկման   շաբաթ, որի  ընթացքում   կազմակերպել  ենք  մի  շարք  միջոցառումներ. դրանց   նպատակն  է եղել  սպառողների   իրավունքների  մասին  իրազեկումը:  Այդ  միջոցառումների   շրջանակներում  կազմակերպել  ենք  բաց  դասեր, ինչպես  Ստեփանակերտի, այնպես  էլ  հանրապետության   շրջանների  հանրակրթական   տարբեր  դպրոցներում: Մենք   բաց  դասերին  ներկայացրել  ենք  նրանց  իրավունքները  և  դրանց  իրացման  ուղիները:  Սպառողական   շուկայի  զարգացումը    բխում  է  ոչ  միայն  պետական,  այլև  հասարակական շահերից:  Համագործակցելով   հասարակության  հետ՝  մենք   կկարողանանք  վեր  հանել  ոլորտում  առկա  խնդիրները  և   տալ   ճիշտ  լուծումներ:  Լիահույս  եմ, որ   մոտ   ապագայում  մենք  կունենանք  իրազեկ, իրենց  իրավունքների  նկատմամբ  առավել  պահանջատեր   և    իրապես  պաշտպանված  սպառող»,-մասնավորապես  ասել  է  Ա.  Ներսիսյանը՝   հավելելով, որ իրենք   դասընթացներ են  կազմակերպում  ոչ  միայն  սպառողների, այլև  իրացման   շուկայի  հետ  առնչվող   իրավաբանական  և  շահագրգիռ  անձանց  հետ:
Կառույցի  պատասխանատուի  խոսքով՝    ՍԱՊ ծառայությունում  գործող   50-99   թեժ    գիծը  խթան է  հանդիսաանում, որ ավելի  հեշտ  և  արագ  ի  հայտ  բերվեն   խախտումները,  և   դրանց  տան  անհրաժեշտ լուծումներ:
Ա. Ներսիսյանը  նաև   նշել է, որ    իրենց   ծառայության  աշխատակիցները  հանրապետությունում  պարբերաբար  իրականացնում  են   մոնիթորինգներ, որոնց  ժամանակ     հիմնականում  արձանագրվում  են   տնտեսվարող  սուբյեկտների  կողմից  պահպանման  պայմանների  ոչ   ճիշտ   ջերմային   ռեժմի իրականացում, ժամկետանց    սննդամթերք  և  մակնշման  խախտումներ:  
Միջոցառման  վերջում  դպրոցի   փոխտնօրեն   Իրա  Թադևոսյանն   էլ  մեզ  հետ   զրույցում  կարևորել է    նման  միջոցառումների  անցկացումը  կրթօջախներում:
«Այս  միջոցառումն  աշակերտների  համար    ուսանելի  է: Դպրոցում  մենք  նույնպես  այդ  ուղղությամբ  աշխատանքներ  ենք  տանում: Յուրաքանչյուր   դասի  ժամանակ   նշում  ենք, որ  առողջությունը   պահպանելու  համար  երեխաները   պետք  է  պարտադիր   կարևորեն  էկոլոգիապես  մաքուր  սնունդը»,-նշել  է  Ի. Թադևոսյանը:  

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Միայն գործից անտեղյակը կարող էր 2016 թ․ ապրիլյան պատերազմը «դիվերսիա» անվանել. Վիտալի Բալասանյանը նոր փաստեր է հրապարակում

Վիտալի Բալասանյանը բաց նամակով դիմել է Բակո Սահակյանին

Կտրականապես անընդունելի է Արցախը որևէ պետության մանդատի տրամադրելու հարցը. Էդմոն Մարուքյանը՝ Սամվել Բաբայանին

Բաքուն դիմում է միջազգային կազմակերպություններին՝ Հայաստանի սահմանն անցած քաղաքացուն վերադարձնելու համար

Բակո Սահակյանը ստորագրել է մի շարք օրենքներ

Ինչպե՞ս հայ պատանին նվաճեց «Голос дети»-ի ժյուրիին եւ ինչո՞ւ ընտրեց Մելաձեին. Միշայի խոստովանությունը` հաղթական ելույթից հետո

Մեզ համար անկախ պետականությունը բարձրագույն արժեք է. Դավիթ Բաբայանը հակադարձում է Սամվել Բաբայանին

Ստեփանակերտում կազմակերպվել է «Երկու պետություն՝ մեկ հայրենիք» խորագրով ֆլեշմոբ (տեսանյութ)

Մենք անկախ պետություն չենք հռչակել, որպեսզի լինենք այլ պետության մանդատի ներքո. խորհրդարանական բոլոր ուժերը հակադարձում են Սամվել Բաբայանին

Search