Թեեւ առեւտրի նկտամամբ Վաշինգտոնի «եսասեր» մոտեցումն անկայուն է, դեռ վաղ է խոսել այն մասին, որ ԵՄ-ԱՄՆ բանակցությունները ձախողման են դատապարտված:
ԵՄ-ն ԱՄՆ-ին մեղադրում է եսասիրության մեջ
ՍՏԵՓԱՆԱԿԵՐՏ, 19 մարտի, ԱՐՑԱԽՊՐԵՍ: Այս մասին ասել է Եվրահանձնաժողովի փոխնախագահ Յուրկի Կատայնենը, հաղորդում է News.am-ը:
Թրամփի վարչակազմը կոշտ սակագներ է սահմանել պողպատի եւ ալյումինի ներկրման համար եւ Չինաստանի հետ առեւտրային պատերազմ սկսել՝ փորձելով շտկել անբարենպաստ պայմանները, որոնք տարեկան ավելի քան կես տրիլիոն դոլարով նպաստում են ԱՄՆ-ի առեւտրային հավասարակշռության դեֆիցիտին:
Եվրահանձնաժողոըվ, որը առեւտրային համաձայնագրերի մասին բանակցում է ԵՄ-ի անունից, անցած տարվա հուլիսից բանակցություններ է վարում ԱՄՆ իշխանությունների հետ՝ ձգտելով առեւտրային գործարք կնքել:
Ներկայումս ԵՄ երկրների կառավարությունները քննարկում են Հանձնաժողովի բանակցային մանդատի մանրամասները, իսկ Վաշինգտոնը ստիպված կլինի մինչեւ մայիսի կեսերը որոշել ` ներդնել արդյոք եվրոպական ավտոմեքենաների ներմուծման համար մաքսատուրքեր:
«Դեռ վաղ է ասել, որ մեր առեւտրային քննարկումները դատապարտված են ձախողման», - հերթական ճեպազրույցում ասել է Կատանյեն : «Մի քանի մակարդակով քննարկումներ են ընթանում եւ մենք, ի վերջո, կարող ենք որոշակի պայմանագրեր կնքել ԱՄՆ-ի հետ, սակայն եկեք չխորանանք այդ հարցում», - ասել է նա, հավելելով, որ գործարքը երկու կողմերից էլ բարի կամքի դրսեւորում եւ քաղաքական կապիտալ կպահանջի:
Պատասխանելով Առեւտրի համաշխարհային կազմակերպության (ԱՀԿ) բարեփոխման մասին հարցին `նա նշել է, որ դա խնդրահարույց է: «Ճապոնիան, Չինաստանը եւ ԵՄ-ն պատրաստ են բարեփոխել ԱՀԿ-ն, ԱՄՆ-ն շահագրգռված չէ դրանում, բայց պատրաստ է համագործակցությանը», - ասել է նա:
