Գրիգոր Նարեկացի համալսարանում տեղի է ունեցել պարգևատրման արարողություն
ԱՀ մշակույթի, երիտասարդության հարցերի և զբոսաշրջության նախարարության և «Fanny Man Production»-ի կողմից կազմակերպված Հումորի Լիգայի «Արցախի գավաթ»-ը մրցույթում 1-ին հորիզոնականը զբաղեցրած Գրիգոր Նարեկացի համալսարանի «Վարդան Հակոբյանն է ասել…» թիմի մասնակիցներին բուհի ռեկտորը պարգևատրել է պատվոգրերով և դրամական պարգևներով:
Գրիգոր Նարեկացի համալսարանում տեղի է ունեցել պարգևատրման արարողություն
ՍՏԵՓԱՆԱԿԵՐՏ, 21 մարտի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ նա, բացման խոսքում շնորհավորելով թիմին, իր գոհունակությունն է հայտնել մասնակիցներին և ուսանողական խորհրդին՝ թիմին աջակցելու համար:
Ռեկտորն իր խոսքում մասնավորապես ասել է. «Նրանք, ովքեր ունեն հումորի զգացում, միշտ կկարողանան հասնել իրենց նպատակին: Հիացած եմ թե´ թիմի տղաներով, թե´ աղջիկներով, ովքեր կարողացել են բարձր պահել համալսարանի անունն ու պատիվը»:
Հաղթող թիմի անդամ Անգելինա Գրիգորյանը մեզ հետ զրույցում ասել է, որ համալսարանն առաջին անգամ է մասնակցել նմանատիպ մրցույթի,և գրանցած այդպիսի արդյունքը զարմանքի առիթ է հանդիսացել բոլորի համար:
«Երբ ստացանք լուրը, որ կա այդպիսի մրցույթ,ցանկացանք անպայման մասնակցել: Ձևավորվեց 4 հոգուց բաղկացած թիմ, որի ամեն մի անդամ ուներ իր առաքելությունը: Թիմի անունն ընտրվել է պատահականությամբ, քանի որ մեր առաջին համարում անընդհատ շեշտվում էր «Վարդան Հակոբյանն է ասել» արտահայտությունը: Թիմի անվանումը հանդիսացավ մեր հաջողության գրավականը, և մենք կարողացանք հասնել մեր նպատակին»,-ավելացրել է ուսանողուհին:
Պարգևատրման արարողությունից հետո մասնակիցները հանդես են եկել հումորային համարներով:
Միջոցառմանը ներկա էին համալսարանի պրոֆեսորադասախոսական կազմը և ուսանողներ: