Artsakhpress

Հասարակական

«MV» նոր տաքսի ծառայությունը հասանելի է Ստեփանակերտում

«MV» ընկերության բջջային հավելվածն արդեն հասանելի է Ստեփանակերտի բնակիչներին:

«MV» նոր տաքսի ծառայությունը հասանելի է Ստեփանակերտում

«MV»  նոր  տաքսի   ծառայությունը  հասանելի  է Ստեփանակերտում
ՍՏԵՓԱՆԱԿԵՐՏ, 13 ապրիլի, ԱՐՑԱԽՊՐԵՍ«Արցախպրես»-ի  թղթակցի հետ  զրույցում    «MV»  ընկերության  շուկայի  զարգացման  պատասխանատու  Վրույր  Նազարյանն   ասել    է, որ  մայրաքաղաքի   բնակիչներն  այսուհետ  հնարավորություն կունենան օգտվել ժամանակակից օնլայն մեքենա  պատվիրելու «MV»   ծառայությունից:
Ըստ  Վ.  Նազարյանի՝   աշախատանքում    ներգրավված  են  շուրջ  30  բրենդավորված (արտաքին  գովազդի  ինքնակպչունով)   4  տեղանոց   մեքենա    և   ավելի  քան  50-ն  էլ՝  ոչ   բրենդավորված:
Խոսելով  սակագների  մասին՝  մեր  զրուցակիցն  ասել է, որ  ծառայությունից   օգտվելու  համար  քաղաքացին կվճարի  մինիմալ  200 դրամ՝  ներառյալ  1կմ, իսկ այնուհետ յուրաքանչյուր   1 կմ-ի   դիմաց  գումարն   ավելանում  է   100 դրամով: 
«MV» հավելվածով   տաքսի  պատվիրելու   դեպքում    մեքենան    պատվիրատուին  կմոտենա   շատ  արագ:
«Վերահսկողությունն իրականացնում  ենք  մի  քանի  ձևով:  Մենք  Արցախում ունենք  գործընկերներ, ովքեր պաշտոնապես  համագործակցում  են «MV»   ծառայության  հետ: Մեքենաները  «MV» ծառայության  մեջ  ներգրավելուց առաջ հաշվի  է առնվում վարորդի արտաքին տեսքը, բնավորությունը, պատասխանատվությունը, ինչպես  նաև  մեքենայի  սարքինության  աստիճանը: Մենք  վերահսկողություն  ենք  իրականացնում  նաև   պատվիրատուների   գնահատականների  միջոցով:  Բացի  դրանից, վարորդն  ամեն  օր  «ֆոտովերահսկում»  է  անցնում՝  այսինքն, յուրաքանչյուր  վարորդ  մինչև    ծրագրին միանալը պետք  է    մեքենան   4   կողմից  ու   ներսից   լուսանկարի, ինչպես  նաև   արտաքին   տեսքը  ստուգելու  համար կատարի ինքնանկար: Եթե   աշխատանքի  ընթացքում   լինեն խնդիրներ, ապա  մենք   պատրաստակամ  ենք   լսելու  հաճախորդների   դիտարկումները  և   դրանց   տալու   ճիշտ  լուծումներ, որպեսզի   ծառայությունը  մաքսիմալ   որակյալ    աշխատանք   ապոհովի, երթևեկությունն  իրականացնի արագ, անվտանգ, ապահով և հաճախորդների  կողմից  էլ ձեռք բերենք փոխվստահություն:Ի  դեպ, ցանկացած վարորդ, ով վատ է սպասարկում, դուրս է գալիս մեր համակարգից»,- մասնավորապես  ասել է  Վ.  Նազարյանը:
Ծառայության   պատասխանատուն   տեղեկացրել  է  նաև, որ   առաջիկայում   նախատեսում  են տաքսիները  հասանելի  դարձնել  նաև  շրջաններում:

     

Քաղաքական

Տնտեսական

Հասարակական

Ռազմական

Search