ՍՏԵՓԱՆԱԿԵՐՏ, 15 ապրիլի, ԱՐՑԱԽՊՐԵՍ:  Այն կանխատեսում է մոլորակի ջերմաստիճանի բարձրացումը առավելագույնը 2 աստիճանով ըստ Ցելսիուսի՝ ի տարբերություն նախաինդուստրիալ ժամանակաշրջանի: Այդպիսին է Mercer ընկերության վերլուծաբանների եզրակացությունը, որն անցկացրել է տնտեսության տարբեր ճյուղերի վրա տաքացման եւ դրա դեմ պայքարի ազդեցության առաջին խորքային հետազոտություններից մեկը: Փորձագետները գնահատում էին ներգործությունը երկարաժամկետ եկամտաբերության տեսանկյունից, հաղորդում է News.am-ը:

Փորձագետները վերլուծել են մի քանի սցենարներ, որոնք կապված են գլոբալ տաքացման հակազդման հետ:

Mercer-ը գտնում է, որ ամբողջ աշխարհում իշխանությունների փորձերը կրճատել СО2-ի արտանետումը ֆոնդային շուկաների համար կարժենան շուրջ 0.2 տոկոս աճ միջինում:

Սակայն փորձագետները սեւեռել են ուշադրությունն առ այն, որ ներդրումներն արվում են ոչ միայն բաժնետոմսերի մեջ: Պարտատոմսերը, սեփականությունն ու ենթակառուցվածքային ծրագրերը հաշվի առնելով՝ շուկաների համար ազդեցությունը դրական կլինի՝ 0.1-0.3 տոկոս աճ տարեկան:

Օրինակ՝ կլիմայական համաձայնագրի պահանջները կատարելու համար ագրեսիվ գործողությունների սցենարը նախատեսում է 2050 թվականին նավթի պահանջարկի կրճատում երեք անգամ եւ ածուխից ամբողջական հրաժարում: Վաճառվող մեքենաների կեսը կլինեն էլեկտրական հիմքով, իսկ նավթը կփոխարինվի ԷՎԱ-ով եւ շրջակա միջավայրի համար ավելի մեղմ բնական գազի 20-տոկոսանոց աճով:

Այդ կանխատեսման համաձայն՝ 2030 թվականին նավթային եւ գազային ընկերությունների բաժնետոմսերը կէժանանան 42 տոկոսով, իսկ 2050 թվականին կկորցնեն արժեքի 95 տոկոսը: Ընդ որում՝ վերականգնվող էներգիայի ոլորտում ներդրումները կաճեն 178 տոկոսով:

Սցենարում, երբ կառավարությունները կհրաժարվեն հակազդել տաքացմանը, հաղթողներ չկան, ընդգծում են փորձագետները: «3-4 աստիճանով տաքացման սցենարի դեպքում բոլոր ոլորտները, բացի ԷՎԱ-ից, պարտվում են ընդհուպ մինչեւ 2010 թվականը՝ 0.1-7.7 տոկոսով տարեկան»,-ասվում է հետազոտության մեջ: