«Արցախի երիտասարդ գիտնականների և մասնագետների միավորում» (ԱԵԳՄՄ) հասարակական կազմակերպությունը Երևանի պետական համալսարանի ու Ստեփանակերտի Մեսրոպ Մաշտոց համալսարանի հետ համատեղ ընթացիկ տարվա սեպտեմբերի 12-15-ը Ստեփանակերտում կազմակերպում է «Հայոց պետականության անցյալը, ներկան ու ապագան» միջազգային երիտասարդական 4-րդ գիտաժողովը:
«Արցախի երիտասարդ գիտնականների և մասնագետների միավորում»-ը կկազմակերպի միջազգային 4-րդ գիտաժողովը
ՍՏԵՓԱՆԱԿԵՐՏ, 19 ապրիլի, ԱՐՑԱԽՊՐԵՍ: Գիտաժողովին կարող են մասնակցել Արցախի, Հայաստանի և արտասահմանյան բուհերի ու գիտահետազոտական կենտրոնների ասպիրանտները/հայցորդները, երիտասարդ գիտնականներն ու մասնագետները (մասնակիցը պետք է լինի մինչև 35 տարեկան, բացառությամբ Կազմակերպության կողմից հրավիրյալ գիտնականների):
Գիտաժողովի շրջանակներում քննարկվելիք թեմաներն են.
1.Պետականության ամրապնդման տեսական և գործնական հիմնահարցերը,
2.Հայաստան – Արցախ – Սփյուռք փոխհարաբերությունները և համահայկական հիմնախնդիրները
3.Հայաստանի և Արցախի Հանրապետությունների սոցիալ-տնտեսական զարգացման արդի մարտահրավերները
4.Արցախի Հանրապետության ինքնորոշման, կազմավորման և միջազգային ճանաչման հիմնահարցերը
5.Ղարաբաղյան հակամարտության ծագումը և կարգավորման գործընթացը
6.Հայոց ցեղասպանության ճանաչումը և Թուրքիայի իրավական պատասխանատվությունը
7.Հետխորհրդային տարածաշրջանի ճանաչված և չճանաչված երկրների հասարակական-քաղաքական զարգացումներն ու հիմնախնդիրները
8.Սահմանադրականության հաստատման հիմնախնդիրները ճանաչված և չճանաչված պետություններում
9.Հայ մեծերի ժառանգության մերօրյա ընկալումը և իմաստավորումը
Ներկայացված հոդվածը պետք է համապատասխանի նշված թեմաներից որևէ մեկին: Գիտաժողովի լավագույն աշխատանքները տպագրվելու են ՀՀ ԲՈԿ-ի ընդունելի հանդեսների ցանկում ընդգրկված «Գիտական Արցախ» պարբերականում:
Նշենք, որ մասնակցության համար անհրաժեշտ է մինչև ընթացիկ տարվա հուլիսի 31-ը լրացնել մասնակցության հայտը և ուղարկել armstatehoodconf@gmail.com էլեկտրոնային փոստին: Հայտի հետ միաժամանակ պարտադիր պետք է ուղարկել նաև գիտական հոդվածը, գիտական ղեկավարի կարծիքը կամ համապատասխան ամբիոնի երաշխավորագիրը (միայն գիտական աստիճան չունեցողների համար` սկանավորված տարբերակով):
Հավելենք, որ մանրամասն տեղեկությունների համար ցանկացողները կարող են այցելել http://aegmm.org/archives/1725 կայք:
