Artsakhpress

Մշակույթ

Արցախում կանցկացվեն միջոցառումներ՝ նվիրված հայոց Ցեղասպանության զոհերի հիշատակին

Հայոց Ցեղասպանության զոհերի հիշատակին նվիրված՝ ապրիլի 23-ին՝ ժամը 20:00-ին, Ստեփանակերտում տեղի է ունենալու ջահերթ, որը մեկնարկելու է Սուրբ Հակոբ եկեղեցու բակից և ուղղվելու է դեպի Ստեփանակերտի հուշահամալիր:

Արցախում կանցկացվեն միջոցառումներ՝ նվիրված հայոց Ցեղասպանության զոհերի հիշատակին

Արցախում կանցկացվեն միջոցառումներ՝ նվիրված հայոց Ցեղասպանության զոհերի հիշատակին
ՍՏԵՓԱՆԱԿԵՐՏ, 22 ապրիլի, ԱՐՑԱԽՊՐԵՍ: Այս մասին «Արցախպրես»-ին տեղեկացրին ՀՅԴ Արցախի երիտասարդական միությունից՝ մանրամասնելով, որ ջահերթը կազմակերպվում է  ՀՅԴ Արցախի երիտասարդական ու Արամ Մանուկյան ուսանողական միությունների նախաձեռնությամբ:
Իսկ ապրիլի 24-ին՝ ժամը 12։00-ին, Շուշիի «Նարեկացի» արվեստի միությունում տեղի է ունենալու «Ոգեկոչում արվեստի շնչով» ամենամյա միջոցառումը, որը նվիրված է Հայոց ցեղասպանության անմեղ զոհերի հիշատակին:
Մեզ հետ զրույցում Շուշիի «Նարեկացի» արվեստի միության ադմինիստրատոր Մարիամ Անդրեասյանն ասել է, որ միջոցառման ընթացքում հնչելու են հակառակորդի դեմ կռված ու պայքարած ֆիդայիների մասին հյուսված երգեր ու պատմություններ։
«Միջոցառմանը հանդես կգա «Տնջրե» ավանդական երգի ու պարի խումբը: 2003 թվականից ի վեր՝ ամեն տարի՝ ապրիլի 24-ին, «Նարեկացի» արվեստի միությունն իր արվեստագետ բարեկամների հետ նշում է հիշատակի և ոգեկոչման համահայկական օրը՝ կոչ անելով աշխարհին հարգելու Հայոց ցեղասպանության զոհերի հիշատակը, հայ ազգի վերածնունդը և դրա ճանաչման միջոցով այլևս թույլ չտալու նոր ցեղասպանությունների կրկնումը»,- նշել է Մ. Անդրեասյանը՝ տեղեկացնելով, որ մուտքն ազատ է բոլոր ցանկացողների համար:
Նշենք, որ հայոց Ցեղասպանության զոհերի հիշատակին նվիրված միջոցառումներ կկազմակերպվեն Արցախի բոլոր շրջաններում:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ճանապարհատրանսպորտային պատահար Ասկերան-Ստեփանակերտ ավտոճանապարհին. կա 2 զոհ

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Երբևէ հեղափոխությամբ կամ հակահեղափոխությամբ չեմ զբաղվել. Սամվել Կարապետյանը հանդես է եկել հայտարարությամբ

ՀՀ գլխավոր դատախազի հանձնարարությունը

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Ոստիկանությունը օրենքով արգելված վայրում հավաք անցկացնելու դեպքի վերաբերյալ հաղորդագրություն է տարածել

Ոչ մի ընտրություն ավելի մեծ արժեք չէ, քան միասնական լինելը. «Ազատ Հայրենիք» կուսակցության նախագահ

Search