Artsakhpress

Քաղաքական

ԱՄՆ իշխանությունները թուրքական կազմակերպությանը թույլ են տվել Վաշինգտոնում ապրիլքսանչորսյան ցույցի հարևանությամբ հավաք անցկացնել

Թուրքիայի նախագահ Ռեջեփ Թայիփ Էրդողանի վաշինգտոնյան աջակիցները փորձում են ևս մեկ անգամ թույլ չտալ ամերիկացիներին օգտվել ազատ արտահայտման իրենց սահմանադրական իրավունքից:

ԱՄՆ իշխանությունները թուրքական կազմակերպությանը թույլ են տվել Վաշինգտոնում ապրիլքսանչորսյան ցույցի հարևանությամբ հավաք անցկացնել

ԱՄՆ իշխանությունները թուրքական կազմակերպությանը թույլ են տվել Վաշինգտոնում ապրիլքսանչորսյան ցույցի հարևանությամբ հավաք անցկացնել

ՍՏԵՓԱՆԱԿԵՐՏ, 23 ապրիլի, ԱՐՑԱԽՊՐԵՍ: Այս մասին գրում է Asbarez-ը՝ մանրամասնելով, որ «Թուրք-ամերիկյան ազգային ղեկավար կոմիտե»-ն փորձում է կանխել ապրիլի 24-ին Վաշինգտոնի Շերիդան Սըրքլ օղակաձև ճանապարհին ծրագրված հավաքը, որի մասնակիցները պատրաստվում են բողոքել Անկարայի՝ Հայոց ցեղասպանության հերքման դեմ:

Աղբյուրը նշում է, որ «Թուրք-ամերիկյան ազգային ղեկավար կոմիտե»-ն սովորաբար ապրիլքսանչորսյան ցույցերի անցկացումը փորձում է խոչընդոտել բարձր պարային երաժշտությամբ, երգերով, բղավոցներով և սուլիչներով, փոխանցում է tert.am-ը:

Այս տարի առաջին անգամ ԱՄՆ իշխանությունները կոմիտեին թույլ են տվել իրենց վիճահարույց գործունեությունն իրականացնել ապրիլքսանչորսյան ակցիայի անցկացման վայրի անմիջական հարևանությամբ՝ Շերիդան Սըրքլի տարածքում:

Աղբյուրը հիշեցնում է, որ Վաշինգտոնում Թուրքիայի դեսպանի նստավայրից ոչ հեռու գտնվող օղակաձև ճանապարհը երկու տարի առաջ՝ 2017 թ. մայիսին, հայտնվել էր լրատվամիջոցների ուշադրության կենտրոնում, քանի որ Թուրքիայի նախագահ Ռեջեփ Թայիփ Էրդողանի թիկնապահները Շերիդան Սըրքլում դաժան ծեծի էին ենթարկել խաղաղ ցույց անցկացնող հայազգի ցուցարարներին:

Հատկանշական է, որ «Թուրք-ամերիկյան ազգային ղեկավար կոմիտե»-ի համանախագահ Գունայ Էվինչն այն փաստաբաններից մեկն է, որին թուրքական կառավարությունը վարձել է Էրդողանի թիկնապահներին տուժածների ներկայացրած հայցից պաշտպանելու համար:

Հայոց ցեղասպանության 104-րդ տարելիցին նվիրված ակցիայի կազմակերպիչը Հայկական երիտասարդական ֆեդերացիան  է:

Եվ թեպետ ամերիկյան իշխանությունները «Թուրք-ամերիկյան ազգային ղեկավար կոմիտե»-ին թույլ են տվել ապրիլի 24-ին զբաղեցնել Շերիդան Սըրքլի մոտ 1/3-րդ մասը, այնուհանդերձ՝ հայկական կողմը լիահույս է, որ ԱՄՆ-ի հայկական, հունական, ասորական համայնքների ներկայացուցիչներն ակտիվություն կցուցաբերեն և Ցեղասպանության հիշատակի օրը մայրաքաղաք Վաշինգտոնում հանուն արդարության կբարձրացնեն իրենց ձայնը:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

ՀՀ գլխավոր դատախազի հանձնարարությունը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Search