ՍՏԵՓԱՆԱԿԵՐՏ, 24 ապրիլի, ԱՐՑԱԽՊՐԵՍ: Ստեփանակերտի  «Զանգակատուն»  հուշակոթողում  հարգանքի  տուրք մատուցելուց հետո այս  մասին «Արցախպրես»-ի  թղթակցի  հետ զրույցում ասել  է ԱՀ մարդու  իրավունքների  պաշտպան  Արտակ  Բեգլարյանը:

«Հայոց  Ցեղասպանության  ճանաչումը  և հատուցումը    պետք  է    կանխի  աշխարհի   ցանկացած  վայրում  նոր  ցեղասպանությունների  իրականացումը:  Որպես   հայ՝  խոր ցավ  եմ  ապրում, որ   կորցրել  ենք  ավելի  քան 1,5  մլն  հայրենակիցներ: Այսօր էլ աշխարհում շարունակվում  են որոշակի  ցեղասպանական  գործողություններ: Թուրքիայի  և  Ադրբեջանի  կողմից    իրականացվում   են  հայության հանդեպ խտրական  գործողություններ: Հայոց Ցեղասպանությունը չի  սկսվել 1915  թվականին, այլ  նախընթաց  շրջանում՝  19-րդ  դարում: Իսկ  1988  թվականին,  երբ սկսվեց  Արցախյան  շարժումը,    դրանից  հետո  էլ  մենք  ականատես  եղանք Ադրբեջանում որոշակի էթնիկ զտման  գործողությունների: Ապրիլյան   պատերազմի  ժամանակ  էլ  տեսանք, որ  հայության  հանդեպ  ատելությունը  նրանց  հոգեկերտվածքի մեջ  է,    և   այդ   ատելությունը  կարող  է  վերածվել   ցեղասպանական  գործողությունների, որը  նշանակում  է, որ  պետք  է  առավելագույնս   լինենք  պաշտպանված, ուժեղ՝  ապավինելով  միայն  սեփական  ուժին»,-մասնավորապես  ասել է  Ա.  Բեգլարյանը: