ՍՏԵՓԱՆԱԿԵՐՏ, 13 մայիսի, ԱՐՑԱԽՊՐԵՍ: Այս մասին տեղեկացնում է Ada Derana պորտալը՝ հղում կատարելով կառավարության տեղեկատվության դեպարտամենտին, հաղորդում է ՌԻԱ «Նովոստի»-ն։

«WhatsApp, Viber եւ Facebook սոցիալական ցանցերը ժամանակավորապես արգելափակված են»,- news.am-ի փոխանցմամբ՝ ասվում է պորտալի Twitter-ի հաղորդագրությունում։

Ավելի վաղ պորտալը տեղեկացրել էր Չիլավ քաղաքում իրավիճակի սրացման մասին։ Լարված իրադրությունը դարձել է բնակիչների արձագանքի հետեւանքը սոցցանցերում այն գրառման հետ կապված, որում ասվում էր ռասաների միջեւ պառակտման մասին։ Ոստիկանությունը կալանել է գրառման հեղինակին, իսկ քաղաքում մտցվել է պարետային ժամ մինչեւ երկուշաբթի ժամը 6.00-ն։

Ապրիլի 21-ին Շրի Լանկայի տարբեր մասերում ութ պայթյուն որոտաց, որոնք, առողջապահության նախարարության տվյալներով, 250-260 մարդու կյանք խլեցին։ Պատասխանատվությունը ստանձնել է ԻՊ ահաբեկչական խմբավորումը։ Շրի Լանկայի իշխանությունների վերջին տեղեկատվության համաձայն՝ զոհվածների մեջ 42 օտարերկրացի կա, ռուսաստանցիներ չկան։

Շրի Լանկայի կառավարության տեղեկատվությամբ՝ կղզեպետության տարածքում գործում է ԻՊ մոտ 130-140 անդամ։ Ինչպես ավելի վաղ տեղեկացրել էր հանրապետության ոստիկանապետ Չանդանա Վիքրամարաթնեն, այսօրվա դրությամբ «զատկվա» պայթյունների ենթադրվող բոլոր կազմակերպիչներն ու կատարողները կամ ձերբակալված են, կամ ոչնչացված։