Artsakhpress

Սպորտ

Ստեփանակերտում մեկնարկել է Ազգային ժողովի գավաթի խաղարկությունը

Այսօր՝մայիսի 15-ին, Ստեփանակերտի Ստեփան Շահումյանի անվան հանրապետական մարզադաշտում մեկնարկել է «Ազգային ժողովի գավաթ»-ի հերթական խաղարկության հանրապետական փուլի բացման արարողությունը:

Ստեփանակերտում մեկնարկել է Ազգային ժողովի գավաթի խաղարկությունը

Ստեփանակերտում մեկնարկել է Ազգային ժողովի գավաթի խաղարկությունը
ՍՏԵՓԱՆԱԿԵՐՏ, 15 մայիսի, ԱՐՑԱԽՊՐԵՍ:«Արցախպրես»-ի թղթակցի հաղորդմամբ` մրցաշարին բացման խոսքով հանդես է եկել ԱՀ ԱԺ փոխնախագահ  Վահրամ Բալայանը: Նա, ողջունելով ներկաներին, նշել է, որ ԱՀ ԱԺ-ի համար շատ կարևոր է հանրապետության դպրոցների աշակերտների կրթության, դաստիարակության, ֆիզիկական պատրաստականության հարցերը մշտապես ուշադրության կենտրոնում պահելը:
«Օրենսդրական դաշտում կատարվում են համապատասխան աշխատանքներ՝ իրավական կարգավորումների միջոցով նպաստավոր պայմաններ ստեղծելու սպորտի զարգացման համար: Միաժամանակ տարվում են նպատակային աշխատանքներ՝ տարբեր միջոցառումներ կազմակերպելու և դպրոցականներին ներգրավելու համար: Մրցաշարը նպաստում է աշակերտի ֆիզիկական պատրաստականությունն ավելի բարձր մակարդակի հասցնելուն: Ողջունելի ու ոգևորիչ է այն փաստը, որ տարեցտարի ավելանում է խաղարկությանը մասնակից դպրոցների թվաքանակը:Վստահ եմ, որ նմանատիպ մրցաշարերը կնպաստեն, որպեսզի նոր սերունդը դառնա հայրենիքի արժանավոր քաղաքացի ու նպաստի մեր պետականության կերտմանը:  Մասնակիցներին հաղթանակ եմ մաղթում, քանզի հաղթանակների միջոցով մենք կարող ենք լինել ամուր և կենսունակ պետություն»,-ասել է Վ.Բալայանը:
Մեզ հետ զրույցում առաջնության գլխավոր մրցավար Կարեն Մելքումյանն ասել է,որ մրցաշարին մասնակցում են ԱՀ շրջանների և Ստեփանակերտի թիմերը:
«Այսպիսի մրցույթները հնարավորություն կտան մեր աշակերտներին ինքնադրսևորվելու, ինքնաբացահայտվելու, ամրապնդելու և բարելավելու ֆիզիզկական որակներն ու առողջությունը:Խաղարկությանն ընդգրկված են 3-րդ, 4-րդ, 5-րդ և 6-րդ դասարանների աշակերտները: Նրանք հանդես են գալու 5 մրցաձևերում՝ կրոսավազք, ցատկ տեղից, հեռացատկ, գնդակի նետում և ձգումներ պտտաձողի վրա: Հաղթող թիմը կստանա ԱԺ-ի փոխանցիկ գավաթը, իսկ մրցանակային տեղեր զբաղեցրած թիմերի մասնակիցները կպարգևատրվեն պատվոգրերով ու դրամական պարգևներով»,-մասնավորապես նշել է նա:
Մրցաշարին ներկա էին ԱՀ ԿԳՍ նախարարի տեղակալ Աշոտ Դանիելյանը, ԱԺ պատգամավորներ, մարզիչներ և այլք:
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Լուսանկարներ. ՀՀ ԶՈւ-երը խոցել են հայկական դիրքերը գրոհող ադրբեջանական «ՈՒԱԶ»-ը. Banakinfo

Պարետի որոշմամբ խստացվել են Արցախ մուտք գործելու պահանջները

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Հանրապետությունում արտակարգ իրավիճակի ժամկետը երկարաձգվել է մինչև 2020 թ. օգոստոսի 12-ը

ԱՀ Ճանապարհային ոստիկանությունը անցնում է ուժեղացված ռեժիմի

Ստեփանակերտում հաստատվել է կորոնավիրուսով հիվանդացության 5 նոր դեպք

Search