Artsakhpress

Հասարակական

Ռազմական վերլուծաբանն ԱրՊՀ-ում հանդես է եկել դասախոսությամբ

Այսօր՝ ապրիլի 16-ին, ռազմական վերլուծաբան Արմեն Հարությունյանը Արցախի պետական համալսարանում հանդես է եկել դասախոսությամբ, որի ընթացքում անդրադարձել է ռազմական անվտանգությանը և ռազմավարությանը:

Ռազմական վերլուծաբանն ԱրՊՀ-ում հանդես է եկել դասախոսությամբ

Ռազմական վերլուծաբանն ԱրՊՀ-ում հանդես է եկել դասախոսությամբ
ՍՏԵՓԱՆԱԿԵՐՏ, 16 մայիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ իր խոսքում բանախոսը նշել է, որ թեման շատ արդիական է մեր երկրի համար՝ հաշվի առնելով պատերազմի վտանգը և տարածաշրջանում տեղի ունեցող իրադարձությունները:
Ա. Հարությունյանը կարծում է, որ պետք է հստակ պատկերացնել, թե ինչ է ռազմական անվտանգությունը և որն է այն ռազմական դոկտրինան, որն ամենաարդյունավետը կլինի՝ հաշվի առնելով 2016 թ.-ի Ապրիլյան պատերազմը:
«Մեր պետությունը որդեգրել է պաշտպանական ռազմավարությունը, որն արդյունավետ չէ, և Ապրիլյան պատերազմը ապացուցեց, որ այդ դոկտրինան չի կարող ապահովել հակառակորդի զորքերի ջախջախումը, միաժամանակ չի կարող ապահովել նաև մեր երկրի համար երկարատև խաղաղ ժամանակաշրջան: Այդ պատճառով մենք պետք է անցնենք հարձակողական ռազմական դոկտրինային, որի համար կպահանջվի 3-4 տարի: Այդ նպատակով անհրաժեշտ է բարեփոխել բանակը և ձեռք բերել նորագույն զինտեխնիկա: Սակայն մինչ այդ ամեն օր պետք է պատրաստ լինենք նոր պատերազմի: Մենք պետք է իրականացնենք նաև «Ազզ-Բանակ» հայեցակարգը՝ Հայաստանը վերածելով անառիկ բերդի, ինչպիսին եղել է հինգհազարամյա պատմության մեջ: Դրա համար անհրաժեշտ է կառուցել մրցունակ տնտեսություն»,- մանրամասնել է Ա. Հարությունյանը:
Բանախոսն ընդգծել է, որ ռազմական անվտանգությունը այն հասկացությունն է, որը ենթադրում է, որ բանակի ներուժը լինի այնպիսին, ինչը կբացառի այլ պետության կողմից շանտաժի կամ ռազմական ուժի կիրառումը:
Հանդիպմանը ուսանողների կողմից Ա. Հարությունյանին են ուղղվել մի շարք հարցեր:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search