Artsakhpress

Միջազգային

Եվրոպացիների մեծամասնությունը չի բացառում Եվրամիության փլուզումն առաջիկա 20 տարում. հարցում

Եվրոպացիների կեսից ավելին այն կարծիքին Է, որ Եվրամիությունը, որի մեջ այժմ մտնում Է 28 երկիր (միությունը լքող Մեծ Բրիտանիայի հետ միասին), հավանաբար կփլուզվի առաջիկա 20 տարում:

Եվրոպացիների մեծամասնությունը չի բացառում Եվրամիության փլուզումն առաջիկա 20 տարում. հարցում

Եվրոպացիների մեծամասնությունը չի բացառում Եվրամիության փլուզումն առաջիկա 20 տարում. հարցում
ՍՏԵՓԱՆԱԿԵՐՏ, 16 մայիսի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին վկայում Է YouGov միջազգային սոցիոլոգիական ծառայության կողմից անցկացված հասարակական կարծիքի հարցումը, որի տվյալները մայիսի 16-ին ներկայացրել Է The Guardian թերթը: Հետազոտության համաձայն, որն անցկացվել Է Միջազգային հարաբերությունների եվրոպական խորհրդի (ECFR) վերլուծական կենտրոնի պատվերով, Ֆրանսիայում, Գերմանիայում, Բելգիայում, Իտալիայում, Նիդեռլանդներում, Ավստրիայում, Սլովակիայում, Ռումինիայում, Հունաստանում, Չեխիայում եւ Լեհաստանում հարցման մասնակիցների 50 տոկոսից ավելին կարծում Է, որ ԵՄ-ի փլուզումը «իրական հնարավորություն» Է առաջիկա 10-20 տարում: Այս կարծիքը, ինչպես նշում են 14 երկրում անցկացված հարցման հեղինակները, երկրներ, որոնք Եվրախորհրդարանում ունեն տեղերի 80 տոկոսը, Ֆրանսիայում պաշտպանում Է մասնակիցների 58 տոկոսը: Եվրոսկեպտիկներն ավելի շատ են միայն Սլովակիայում (66 տոկոս):
Միայն երեք երկրում՝ Շվեդիայում, Դանիայում եւ Իսպանիայում, Է նման տխուր հեռանկար կանխագուշակողների բաժինը կազմել Է հարցվածների կեսից պակաս մասը՝ 44 տոկոս, 41 տոկոս եւ 40 տոկոս՝ համապատասխանաբար: Հարցման մասնակիցների շուրջ մեկ երրորդը, այդ թվում՝ Ֆրանսիայում եւ Լեհաստանում, չի բացառում ապագայում ԵՄ-ի անդամ երկրների միջեւ զինված հակամարտությունների առաջացումը, որը հենց ստեղծվել Է եվրոպական աշխարհամասում խաղաղությունն ու կայունությունը ամրապնդելու նպատակով: Այս կարծիքը, մասնավորապես, պաշտպանում Է «Ազգային ճակատ» ֆրանսիական կուսակցության՝ հարցմանը մասնակցած կողմնակիցների 46 տոկոսը եւ «Այլընտրանք Գերմանիայի համար» գերմանական կուսակցության կողմնակիցների 41 տոկոսը: Հարցվածների երեք քառորդը կարծում Է, որ քաղաքական համակարգը կա՛մ ազգային մակարդակով, կա՛մ Եվրամիության մակարդակով անբավարար Է աշխատում: Ֆրանսիայում, ինչպես նշում Է հրատարակությունը, հարցմանը մասնակցածների միայն 15 տոկոսն Է պաշտպանում հակառակ կարծիքը: Ուսումնասիրությունն անցկացվել Է Եվրախորհրդարանի՝ մայիսի 23-26-ին նշանակված ընտրությունների նախաշեմին, հաղորդել Է ՏԱՍՍ-ը:

     

Քաղաքական

Ռազմական

Ամենադիտված

ամիս

շաբաթ

օր

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Խոշոր ավտովթար Մարտունի-Ննգի-Ստեփանակերտ ավտոճանապարհին

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

Սամվել Բաբայանը Արայիկ Հարությունյանին ընդդիմություն չի լինի. ի՞նչ են քննարկել նրանք, Սամվել Բաբայանը կստանա՞ պաշտոն

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Մարտական դիրքում գլխի շրջանում ստացած հրազենային վնասվածքից զինծառայող է մահացել

Արցախի ՊԲ-ն հարվածային ԱԹՍ է փորձարկել, կսկսվի դրանց սերիական արտադրություն (տեսանյութ)

Արցախում պետական հաստատություններում անվճար կրթության հնարավորությունը կունենա հետադարձ ուժ. Վահրամ Պողոսյան

Search