ՍՏԵՓԱՆԱԿԵՐՏ, 22 մայիսի, ԱՐՑԱԽՊՐԵՍ: Ժամը 11:00-ին Խորհրդարանում տեղի կունենա ԱԺ արտադրության և արտադրական ենթակառուցվածքների հարցերի ու ֆինանսաբյուջետային կառավարման հարցերի մշտական հանձնաժողովների համատեղ նիստը: Քննարկվելու է ԱՀ 2018 թ.-ի պետական բյուջեի կատարման տարեկան հաշվետվությունը: Այն կներկայացնեն գյուղատնտեսության, քաղաքաշինության, էկոնոմիկայի և արտադրական ենթակառուցվածքների, բնապահպանության և բնական ռեսուրսների գերատեսչությունների պատասխանատուները:

 

Ժամը 12:30-ին հանձնաժողովային քննարկումը կշարունակեն ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի, Արցախի ներդրումային հիմնադրամի, Գյուղի և գյուղատնտեսութան աջակցության հիմնադրամի պետական լիազոր ներկայացուցիչները:

 

Ժամը 14։00-ին Մարտունու Արամ Խաչատրյանի անվան արվեստի դպրոցի դահլիճում երիտասարդները հնարավորություն կունենան ծանոթանալու «Erasmus+» միջազգային ծրագրին և ինչպես ճիշտ գրել CV, մոտիվացիոն նամակ:

Ժամը 15։00-ին Շուշիի Դանիել Ղազարյանի անվան դպրոցի Առնո Բաբաջանյանի անվան համերգային դահլիճում դպրոցի օպերայի դասարանի սաների մասնակցությամբ տեղի կունենա Յուրի Ղազարյանի «Ինչպես էր կատուն արհեստներ սովորում» մանկական օպերայի առաջնախաղը։

Ժամը 15:30-ին Արցախի պետական պատմաերկրագիտական թանգարանում տեղի կունենա դասախոսություն-կինոդիտում՝ նվիրված Արկադի Տեր-Թադևոսյանի ծննդյան 80-ամյակին: Մուտքն ազատ է:

Ժամը 15:30-ին Շուշիի «Նարեկացի» արվեստի միությունում կանցկացվի կավագործության բաց դաս: Մուտքն ազատ է:

 

Ժամը 16:00-ին Մարտակերտի մշակույթի և երիտասարդության կենտրոնում տեղի կունենա հանդիպում-դասընթաց CONIFA միջազգային մրցույթի կամավորական խմբի ղեկավար Ղազար Հակոբյանի հետ: 

 

Ժամը 17:00-ին Շառլ Ազնավուրի անվան մշակույթի կենտրոնի դահլիճում տեղի կունենա Ուսանողական համագումար: Համագումարին կներկայացվեն Արցախի պետական համալսարանի ուսանողական խորհրդի 2018-2019 ուս. տարում կատարված աշխատանքները, վերստուգիչ հանձնաժողովի հաշվետվությունը: Այնուհետև կներկայացվեն 2019-2020 ուս. տարվա ծրագրերը: Բացի դրանից նախատեսվում են պարգևատրումներ և համերգ՝ ուսանողների մասնակցությամբ:

Ժամը 19:00-ին տեղի կունենա Ճարտարի արվեստի դպրոցի հաշվետու համերգը:

Ժամը 19:30-ին «Արմատներ» կենսակենտրոնում («The Roots») տեղի կունենա կինոդիտում: Աշխարհահռչակ շանսոնյե Շառլ Ազնավուրի ծննդյան օրը կներկայացվի «Ազնավուր. կյանքը՝ սիրով լի» վավերագրական ֆիմը, որը ներկայացնումէ  մեծն արտիստի կյանքն ու արվեստը:

 

Այս և այլ թեմաների մասին առավել մանրամասն կարող եք ընթերցել artsakhpress.am կայքում: Հետևեք մեզ նաև թվիթերում, ֆեյսբուքում, ինստագրամում և յութուբի ալիքում: