Artsakhpress

Սպորտ

Արցախի հավաքականը CONIFA-ի մրցաշարում գրավեց հինգերորդ տեղը

Ստեփանակերտի Ստեփան Շահումյանի անվան հանրապետական մարզադաշտում CONIFA Sportsbet.io European Football Cup 2019-ի շրջանակներում այսօր կայացել է Արցախի հավաքականի վերջին ֆուտբոլային հանդիպումը, որն ավարտվել է տանտերերի հաղթանակով:

Արցախի հավաքականը CONIFA-ի մրցաշարում գրավեց հինգերորդ տեղը

Արցախի հավաքականը CONIFA-ի մրցաշարում գրավեց հինգերորդ տեղը
ՍՏԵՓԱՆԱԿԵՐՏ, 8 հունիսի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ Արցախի հավաքականն այսօր խաղացել է Պադանիայի թիմի հետ: Առաջին խաղակեսն անցել է 0-0 հաշվով:
Այնուհետև երկրորդ խաղակեսի 57-րդ րոպեին Արցախի թիմը բացել է  խաղի հաշիվը: Մեր հավաքականը երկրորդ գոլը խփել է երկրորդ խաղակեսի ավարտին, երբ մրցավարի կողմից ավելացվել են ևս մի քանի րոպեներ:
Արդյունքում CONIFA-ի Sportsbet.io European Football Cup 2019-ի շրջանակներում Արցախի թիմը գրավել է 5-րդ, իսկ Պադանիայի հավաքականը՝ 6-րդ մրցանակային տեղը:
Մեզ հետ զրույցում CONIFA-ի Եվրոպայի նախագահ Ալբերտո Ռիսկոն ասել է, որ այսօրվա խաղը հետաքրքիր էր, սակայն քանի որ շատ շոգ էր, թիմերը չէին կարողանում լավ խաղալ:
«Վերջին 20 րոպեների ընթացքում ավելի շատ տեսնում էինք նահանջ, քան ֆուտբոլային խաղ: Իսկ հաջորդ 10 րոպեների ընթացքում խաղացողները փորձում էին ժամանակ շահել և այդ իսկ պատճառով կատարեցին խախտում»,- նշել է Ալբերտո Ռիսկոն:
Պադանիայի հավաքականի գլխավոր մարզիչ Արթուրո Մերլոյի կարծիքով՝ թիմը երկրորդ խաղակեսում կարող էր գրանցել որոշակի արդյունք:
Նա բարձր է գնահատում մրցաշարը՝ նշելով, որ բոլոր թիմերն էլ ուժեղ էին, և առաջնությունից սպասումները եղել են դրական:
«Խաղային պայքարում, կարծում եմ, չենք զիջել: Մեր խաղացողներից երեքը տարբեր վնասվածքների պատճառով տեղափոխվել են հիվանդանոց, որն էլ թիմի թուլացման պատճառ է հանդիսացել: Որոշակի խնդիրներ ունեցանք նաև պաշտպանության ժամանակ, սակայն որակական առումով մենք ոչ մեկին չենք զիջել, պարզապես գոլերի քանակն է խանգարել թիմին»,- ասել է Արթուրո Մերլոն:
Արցախի հավաքականի ֆուտբոլիստ Արամ Կոստանդյանն էլ նշել է, որ, ընդհանուր առմամբ, այսօր մեր թիմը լավ է խաղացել, պարզապես խաղի տեմպը մինչև վերջ պահել չի կարողացել:
«Եթե վերջում լավ աշխատեինք, կկարողանայինք գոլ խփել: Մյուս կողմից զգացվում էր որոշակի հոգնածություն: Մրցակից թիմը ևս լավ է խաղում: Եվ առհասարակ, պետք է նշեմ, որ բոլոր թիմերն էլ լավ էին խաղում, սակայն խաղից խաղ զգացվում էր տարբերություն, մեկ թիմի մոտ մեկ խաղն էր լավ ստացվում, մյուսի մոտ՝ հաջորդը»,- ասել է Ա. Կոստանդյանը:
Խաղի ավարտից հետո 5-րդ և 6-րդ մրցանակային տեղեր գրաված թիմերը պարգևատրվել են մեդալներով և հաղթական գավաթներով:
Խաղին հետևում էին ԱՀ Նախագահ Բակո Սահակյանը, պետական նախարար Գրիգորի Մարտիրոսյանը, պաշտոնատար այլ անձինք, ֆուտբոլասերներ:

     

Քաղաքական

ԱԺ նախագահն ընդունել է կրթության, գիտության և մշակույթի նորանշանակ նախարարին

Այսօր Արցախի Հանրապետության ԱԺ նախագահ Արթուր Թովմասյանը ընդունել է...

Արթուր Թովմասյանին պաշտոնը ստանձնելու կապակցությամբ շնորհավորական ուղերձ է հղել Արցախի թեմի առաջնորդ Պարգև Արքեպիսկոպոս Մարտիրոսյանը

Արցախի Հանրապետության Ազգային ժողովի նախագահ Արթուր Թովմասյանին...

Արթուր Թովմասյանն ընդունել է Անհայտ կորած ազատամարտիկների հարազատների միության նախագահ Վերա Գրիգորյանին և Զոհված ազատամարտիկների միության նախագահ Աթուր Առուստամյանին

Ազգային ժողովի նախագահ Արթուր Թովմասյանը մայիսի 27-ին ընդունել...

Համերաշխության ու հանդուրժողականության ուղերձի շրջանակում համազգային հարցերի շուրջ պետք է ձևավորել միասնական օրակարգ. Արթուր Թովմասյան

Արցախի Հանրապետության Ազգային ժողովի նախագահ Արթուր Թովմասյանը...

Տնտեսական

Հասարակական

Ամենադիտված

ամիս

շաբաթ

օր

Խոշոր ավտովթար Մարտունի-Ննգի-Ստեփանակերտ ավտոճանապարհին

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Արցախի նորընտիր նախագահն աշխատանքի է գնալու էլեկտրամոբիլով

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Կարեն Դանիելյանը նշանակվել է Արցախի նախագահի աշխատակազմի ղեկավար

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Search