Artsakhpress

Տնտեսական

Հուլիսի 1-ից հարկային հաշիվները դուրս կգրվեն բացառապես էլեկտրոնային եղանակով

Այսօր կայացած Խորհրդարանի արտահերթ նիստին 25 կողմ ձայնով ընդունվել է «Հարկերի մասին» ԼՂՀ օրենքում փոփոխություններ և լրացումներ կատարելու մասին նախագիծը, որը ներկայացվել է կից փաթեթով:

Հուլիսի 1-ից հարկային հաշիվները դուրս կգրվեն բացառապես էլեկտրոնային եղանակով

Հուլիսի 1-ից հարկային հաշիվները դուրս կգրվեն բացառապես էլեկտրոնային եղանակով
ՍՏԵՓԱՆԱԿԵՐՏ, 14 հունիսի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ ներկայացնելով հարկային օրինագծերի փաթեթը՝ ԱՀ ֆինանսների նախարար Արթուր Հարությունյանն ասել է, որ այն ուղղված է գործարար միջավայրի բարելավման, հարկային վարչարարության արդյունավետության բարձրացմանը, ինչպես նաև հարկային օրենսդրությամբ նախատեսված հսկողական միջոցառումների 2019 թ.-ի մարտի 27-ին ընդունված «Օպերատիվ-հետախուզական գործունեության մասին» օրենքի պահանջներին համապատասխանեցմանը:
Մասնավորապես՝ «Ավելացված արժեքի հարկի մասին» օրենքում լրացումներ և փոփոխություններ կատարելու մասին նախագծով առաջարկվում է հանրապետությունում ռազմական նշանակության արտադրանքի արտադրությունը խրախուսելու նպատակով ավելացված արժեքի հարկից ազատել հանրապետության տարածքում արտադրվող ռազմական նշանակության արտադրանքի իրացումը՝ համաձայն կառավարության կողմից սահմանված ցանկի:
Հաջորդ փոփոխությամբ առաջարկվում է պետության ստեղծած հիմնադրամների կողմից անշարժ գույքի օտարման գործարքներն ազատել ավելացված արժեքի հարկից, ինչը վերջիններիս հնարավորություն կտա լիարժեք իրագործել իրենց կանոնադրական խնդիրները:
Նախագծով նախատեսվում է 2019 թ.-ի հուլիսի 1-ից հարկային հաշիվները դուրս գրել բացառապես էլեկտրոնային եղանակով: Մասնավորապես՝ հարկային հաշվիները դուրս կգրվեն իրական ժամանակում, որոնք անմիջականորեն կարտացոլեն հարկային մարմնի տեղեկատվական բազայում: Արդյունքում կկրճատվեն հարկ վճարողների կողմից դուրս գրվող հարկային հաշիվներով սխալներ կատարելու հավանականությունը, թղթային տարբերակով հարկային մարմին ներկայացվող տեղեկատվության ծավալը, ինչպես նաև օրենսդրական հիմքեր կստեղծվեն հարկային հաշիվների շրջանառության նկատմամբ հարկային մարմնի կողմից վերահսկողական անհրաժեշտ մեխանիզմներ կիրառելու համար: Միաժամանակ նախագծով առաջարկվում է սահմանված կարգի խախտմամբ հարկային հաշիվ կամ ճշգրտվող հարկային հաշիվ դուրս գրելու դեպքում սահմանել տուգանք:
Ա. Հարությունյանը ներկայացրել է նաև հարակից օրենքներում կատարված փոփոխությունները:
Գլխադասային հանձնաժողովի դրական եզրակացությունը ներկայացրել է ԱԺ ֆինանսաբյուջետային և կառավարման հարցերի մշտական հանձնաժողովի նախագահ, պատգամավոր Արամ Գրիգորյանը:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

ԱՄՆ Ներկայացուցիչների պալատը միաձայն ընդունեց Թուրքիայի դեմ պատժամիջոցների օրինագիծը

Լեւոն Մնացականյանը նշանակվել է Արցախի Հանրապետության ոստիկանության պետ

Բակո Սահակյանը ստորագրել է մի շարք օրենքներ

Արցախում զինծառայող է զոհվել հակառակորդի արձակած կրակոցից

Շուշիում բնակելի շենքից 13–ամյա երեխա է ցած ընկել

Երկարատև ընդմիջումից հետո 2020-21թթ.-ին Հայաստանի ՀՆԱ-ի աճը կլինի երկնիշ թվին շատ մոտ. Արայիկ Հարությունյան

CONIFA-2019-ի հաղթող է ճանաչվել Հարավային Օսիայի հավաքականը

Սամվել Բաբայանի շտաբի պատասխանատուի կողմից սպառնալիքներ են եղել քաղաքացու հանդեպ. ոստիկանություն

Արցախի ԱԳՆ. քննարկման փուլում են գտնվում տարբեր երկրների վարչական միավորների հետ նոր հռչակագրեր ստորագրելու մասին առաջարկությունները

Search