Artsakhpress

Քաղաքական

Դատական բարեփոխումների իրականացման համար Հայաստանը ԵԽ-ից կստանա 19 միլիոն եվրո աջակցություն

Հայաստանի կառավարությունը ամեն ինչ անում է, դատական համակարգի անկախության և անկողմնակալության ապահովման համար:

Դատական բարեփոխումների իրականացման համար Հայաստանը ԵԽ-ից կստանա 19 միլիոն եվրո աջակցություն

Դատական բարեփոխումների իրականացման համար Հայաստանը ԵԽ-ից կստանա 19 միլիոն եվրո աջակցություն
ՍՏԵՓԱՆԱԿԵՐՏ, 17 հունիսի, ԱՐՑԱԽՊՐԵՍ-ԱՐՄԵՆՊՐԵՍ: Եվրոպայի խորհրդի «Հայաստանի համար իրականացվող գործողությունների 2019-2022 թվականների երրորդ ծրագրի» մեկնարկին նվիրված միջոցառմանն այս մասին ասաց ՀՀ արտաքին գործերի նախարար Զոհրաբ Մնացականյանը:
 
ԱԳ նախարարի պնդմամբ` Հայաստանը ցույց է տվել, որ ցանկանում է լինել այնպիսի երկիր, որը մոդելավորված կլինի եվրոպական չափանիշներով, ամուր կանգնած կլինի ժողովրդավարության, մարդու իրավունքների միասնական արժեքների գերակայության վրա: «Այս տարի մեր ձգտումը ավելի մեծ է, բյուջեն՝ բավական հավակնոտ` 18,9 միլիոն եվրո, և այն կենտրոնացված է բարեփոխումների այն ուղղությունների վրա, որոնք կառավարության համար գերակա են: Դրանք հիմնականում ուղղված են դատական համակարգի ոլորտի բարեփոխումներին»,- ասաց Մնացականյանը:
 
Նախարարի կարծիքով` դա ժողովրդի կամքն է և ցանկությունը, որն արտացոլվում է այս կառավարության վճռականությամբ և հանձնառությամբ:
 
ԱԳ նախարարը վստահ է, որ այս ծրագիրը լավագույնս կծառայի Հայաստանի դատական բարեփոխումների իրականացմանը, և 2021 թվականին պետությունը կունենա շոշափելի արդյունքներ:
 
«Կառավարությունը շատ պարզ ձևակերպեց, որ ամեն ինչ կանի դատական համակարգի անկախությունը և անկողմնակալությունը ապահովելու համար` որևէ ճնշում չգործադրելով դատական իշխանությունների վրա»,- ասաց ԱԳ նախարարը:
 
Նա շնորհակալություն հայտնեց Եվրոպայի խորհրդի գլխավոր քարտուղար Թորբյորն Յագլանդին, ով պատրաստակամություն է հայտնել աջակցել այս բարեփոխումների իրականացմանը:
 
«Այդպիսին է Եվրոպայի հետ մեր համագործակցության իմաստը: Մեկ շաբաթում Եվրոպայից եկան բարձրագույն մակարդակի փորձագետներ, ովքեր սկսեցին աշխատել դատական բարեփոխումների և բովանդակության, և ֆինանսավորման ուղղությամբ: Սա ցույց է տալիս, թե որքան արժեքավոր է այս համագործակցությունը: Մեզ համար իսկապես արդար և անկողմնակալ դատական համակարգի բարեփոխման ծրագիրն ավարտելը լիարժեք կդարձնի հեղափոխության ամբողջ փիլիսոփայությունը»,- եզրափակեց Մնացականյանը:
 
Եվրոպայի խորհրդի «Հայաստանի համար իրականացվող գործողությունների 2019-2022 թվականների ծրագիրը» ռազմավարական կառուցակարգ է, որն ուղղված է մարդու իրավունքների, իրավունքների գերակայության և ժողովրդավարության ոլորտներում Հայաստանի օրենսդրության, հաստատությունների ու աշխատակարգերի հետագա համապատասխանեցումանը եվրոպական չափանիշներին: Սույն գործողությունների ծրագրով նախատեսվում է օժանադակել Հայաստանի Հանրապետության` որպես Եվրոպայի խորհդի անդամ պետություն ստանձնած պարտավորությունների կատարմանն ուղղված ջանքներին:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Արցախը երբևիցե ՀՀ մարզ չի լինելու. Վիտալի Բալասանյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Search