Artsakhpress

Քաղաքական

Ադրբեջանի պատվիրակությունը փորձում էր ԼՂ հակամարտության թեմայով հարցեր հնչեցնել. ՀՀ ԱԺ պատվիրակությունը ներկայացրեց ՆԱՏՕ-ի ԽՎ-ի նստաշրջանի մանրամասները

ՆԱՏՕ-ի Խորհրդարանական վեհաժողովում ՀՀ Ազգային ժողովի պատվիրակության անդամներն այսօր մամուլի ասուլիսին ներկայացրեցին Բրատիսլավայում տեղի ունեցած ՆԱՏՕ-ի ԽՎ-ի գարնանային նստաշրջանի մանրամասները:

Ադրբեջանի պատվիրակությունը փորձում էր ԼՂ հակամարտության թեմայով հարցեր հնչեցնել. ՀՀ ԱԺ պատվիրակությունը ներկայացրեց ՆԱՏՕ-ի ԽՎ-ի նստաշրջանի մանրամասները

Ադրբեջանի պատվիրակությունը փորձում էր ԼՂ հակամարտության թեմայով հարցեր հնչեցնել. ՀՀ ԱԺ պատվիրակությունը ներկայացրեց ՆԱՏՕ-ի ԽՎ-ի նստաշրջանի մանրամասները
ՍՏԵՓԱՆԱԿԵՐՏ, 18 հունիսի, ԱՐՑԱԽՊՐԵՍՊատվիրակության ղեկավար, ԱԺ «Իմ քայլը» խմբակցության պատգամավոր Անդրանիկ Քոչարյանը նախ նշեց, որ իրենց պատվիրակությունն առաջին անգամ էր այս կազմով մասնակցում, և դա սա առաջին հերթին ճանաչողական բնույթ էր կրում: Նա ասաց, որ դա չի նշանակում, որ պարզապես մասնակից են եղել՝ որոշակի ակտիվություն դրսևորել են, երբ Ադրբեջանի և Թուրքիայի պատվիրակությունները այս հարթակը փորձել են օգտագործել տարածաշրջանային խնդիրները ի նպաստ իրենց ներկայացնելու համար, հաղորդում է  Tert.am-ը:
Անդրանիկ Քոչարյանը տեղեկացրեց, որ բոլոր զեկույցներում անդրադարձ էր արվում այսօր տեղի ունեցող հակամարտություններին, դրանց՝ Ռուսաստանի մասնակցությանը, Վրաստանի խնդիրներին: «Այդ զեկույցների տրամաբանության մեջ եղան դրվագներ, երբ Ադրբեջանի պատվիրակությունը փորձեց ճեղքեր գտնել այդ զեկույցների մեջ և ԼՂ հակամարտության թեմայով հարցեր հնչեցնել»,-ասաց նա և նշեց, որ բոլոր այդ հարցրին իրենք հակազդել են:
«Բայց դա չի լինելու մեր աշնանային նստաշրջանի աշխատանքային տարբերակը, որովհետև մենք որոշեցինք, որ մեր նախաձեռնողականությունը պետք է լինի ավելի բարձր: Մենք պետք է պատրաստվենք այս հարթակն ավելի լուրջ օգտագործելուն: Դա նշանակում է, որ ոչ թե մենք գնալու ենք հակազդենք Ադրբեջանի պատվիրակության տեսակետին, այլ մեր նախաձեռնողականությունը լինելու է արտաքին քաղաքականության առաջնահերթություններից»,-ասաց Քոչարյանը և նշեց, որ արտաքին գործերի նախարարության համապատասխան ստորաբաժանումները պետք է շատ էֆեկտիվ համագործակցեն պատվիրակության հետ:
«Այս անգամ գուցե ինչ-որ տեղ թերացանք, քանի որ գնալուց առաջ ներկայացրել ենք զեկույցները և խնդրել փորձագիտական եզրակացություն տալ, բայց այդպես էլ ամբողջական եզրակացություն չստացանք»,-ասաց նա:
Պատվիրակության անդամ, ԼՀԿ խմբակցության քարտուղար Գևորգ Գորգիսյան,  անդրադառնալով Ադրբեջանի պատվիրակության աշխատելաոճին, արձանագրեց, որ մասնակից բոլոր երկրները հոգնել են այս դիսկուրսից: «Այսինքն՝ նրանք սպասում են նոր բան և մենք աշնանը առաջարկելու ենք նոր բան: Ադրբեջանը անընդհատ փորձում է այստեղ բերել Արցախի հարցը»,-ասաց նա:
Պատվիրակության անդամ, «Իմ քայլը» խմբակցության պատգամավոր Վիկտոր Ենգիբարյանը նշեց, որ Ադրբեջանը փորձում է Լեռնային Ղարաբաղի հակամարտությունը դնել Ուկրաինայի և Վրաստանի տարածքային ամբողջականության խնդիրների հետ նույն հարթության վրա: «Նա փորձում է մանիպուլիացիաներով հարաբերությունները` ՆԱՏՕ-ից ստանալու որոշակի աջակցություն, ինչը իրենց մոտ չի ստացվում»,-ասաց նա:
Անդրանիկ Քոչարյանը նկատեց, որ Ռուսաստանն էլ այստեղ պետք է շատ ուշադիր հետևի, թե Ադրբեջանը որ զեկույցների մեջ է մտնում, քանի որ դրանք հիմնականում ուղղված են Ռուսաստանի դեմ պատրաստված զեկույցների տրամաբանության մեջ:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Պուտինի ղեկավարած զորավարժության ժամանակ արտակարգ դեպք է եղել

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Հայ մարտիկը 27 վայրկյանում նոկաուտի է ենթարկել ադրբեջանցուն

Կայացել է «Վաղվա Արցախ» կուսակցության հիմնադիր համագումարը

Search