Artsakhpress

Քաղաքական

Կոնգրեսական Շերմանն առաջարկել է արգելել ամերիկյան զենքի վաճառքը Բաքվին, որպեսզի Ադրբեջանը չկարողանա հարվածել Արցախում գտնվող քաղաքացիական օդանավերին

ԱՄՆ Կոնգրեսի Ներկայացուցիչների պալատի անդամ Բրեդ Շերմանն առաջարկում է փոփոխություն մտցնել «Ազգային պաշտպանության մասին» օրենքում, ինչը հնարավորություն կտա արգելափակել ամերիկյան զենքի վաճառքն Ադրբեջանին և կկանխի այդ զենքով քաղաքացիական օդանավերի ուղղությամբ հավանական հարվածը:

Կոնգրեսական Շերմանն առաջարկել է արգելել ամերիկյան զենքի վաճառքը Բաքվին, որպեսզի Ադրբեջանը չկարողանա հարվածել Արցախում գտնվող քաղաքացիական օդանավերին

Կոնգրեսական Շերմանն առաջարկել է արգելել ամերիկյան զենքի վաճառքը Բաքվին, որպեսզի Ադրբեջանը չկարողանա հարվածել Արցախում գտնվող քաղաքացիական օդանավերին
ՍՏԵՓԱՆԱԿԵՐՏ, 26 հունիսի, ԱՐՑԱԽՊՐԵՍ:  Ինչպես հայտնում է Tert.am-ը, Դեմոկրատական կուսակցության անդամը, որը Ներկայացուցիչների պալատի արտաքին գործերի հանձնաժողովի բարձրաստիճան անդամ է, հանդես է եկել համապատասխան օրենսդրական առաջարկով: Շերմանը ցանկանում է կանխել ամերիկյան արտադրության զենքի հաշվին Ադրբեջանի ռազմական օդուժի հարվածային հնարավորությունները կատարելագործելու հեռանկարը:

Կոնգրեսականը նման նախաձեռնությամբ է հանդես եկել Բաքվի կողմից Արցախի մայրաքաղաք Ստեփանակերտի օդանավակայանից չվերթներ իրականացնելու դեպքում քաղաքացիական ինքնաթիռներին հարվածելու սպառնալիքների ֆոնին:

«Այս փոփոխությունն Ադրբեջանին հզոր «մեսիջ» կհղի առ այն, որ այդ երկիրը չի կարող սպառնալ քաղաքացիական ինքնաթիռ կործանել: Ադրբեջանին չպետք է թույլ տրվի վախեցնել իր հարևաններին: Ադրբեջանին իր օդային պաշտպանությունն ուժեղացնելու հարցում օգնելն այն վերջին բանն է, որ մենք պետք է անենք»,-ասել է կոնգրեսականը:

ԱՄՆ Հայ դատի հանձնախմբի գործադիր տնօրեն Արամ Համբարյանն այս առնչությամբ իր աջակցությունն է հայտնել Շերմանին՝ ընդգծելով, որ ամերիկացի հարկատուների հաշվին ստեղծված զենքերը երբևիցե չպետք է մատակարարվեն մի երկրի, որը սպառնում է անմեղ ուղևորների սպանել:

2011թ. մարտին Ադրբեջանի քաղաքացիական ավիացիայի վարչության տնօրեն Արիֆ Մամադովը հայտարարել էր, որ երկրի կառավարությունը Քաղաքացիական ավիացիայի միջազգային կազմակերպությանը նախազգուշացրել է, որ թույլ չի տալիս քաղաքացիական թռիչքներ կատարել դեպի Լեռնային Ղարաբաղ: Ադրբեջանի կառավարությունն իր որոշման մեջ նաև նշել էր, որ ավիացիոն իրավունքի համաձայն՝ իրենք իրավասու են ֆիզիկապես ոչնչացնել արգելքը խախտող օդանավը: Այս հայտարարությունից անցել են տարիներ, սակայն Ադրբեջանը շարունակում է հնչեցնել նույն սպառնալիքները, ինչի հետևանքով վերջին ութ տարում Ստեփանակերտի քաղաքացիական օդանավակայանը շարունակում է փակ մնալ:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ստեփանակերտի շենքերից մեկում հրդեհ է բռնկվել. մահացել է քաղաքացի

«Ղարաբաղ Տելեկոմ»-ը պարզաբանում է ներկայացրել

Արցախցի մարզիկը դարձել է աշխարհի չեմպիոն. այսօր նրան դիմավորել են Ստեփանակերտում

Մովսես Հակոբյանն ու նրա տեղակալներն ազատվել են պաշտոններից

2020 թ-ին հանրապետությունում նախատեսվում է բարձրացնել նվազագույն ամսական աշխատավարձի մակարդակը. Ա. Հարությունյան

Ստեփանակերտում բացվել է «Renaissance Music Hall» երաժշտական ռեստորանը

Արայիկ Գրիգորյանը նշանակվել է Արցախի ազգային անվտանգության ծառայության տնօրենի առաջին տեղակալ

Բակո Սահակյանը ստորագրել է մի շարք օրենքներ

Մովսես Հակոբյանը նշանակվել է ՀՀ ՊՆ ռազմական վերահսկողական ծառայության պետ

Search