ՍՏԵՓԱՆԱԿԵՐՏ, 5 հուլիսի, ԱՐՑԱԽՊՐԵՍ:  «Արցախպրես»-ի  թղթակցի հաղորդմամբ՝ Նախագահը ողջունել  և  կարևորել է նման միջոցառումների անցկացումն Արցախում:

Բ. Սահակյանն  ընդգծելով Հայ Առաքելական Եկեղեցու նշանակալի դերակատարությունը Հայաստան-Արցախ-Սփյուռք եռամիասնության ամրապնդման, հայ ազգային ինքնության պահպանման, հայոց պետականության զարգացման  ու  զորացման գործում:

Միջոցառմանը   մասնակից   Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը  հանդես  է  եկել  օրհնության  խոսքով:

Նա  ասել է, որ  հավատքը  և  եկեղեցին  զորեղ  են, երբ  որ  կան    ուխտավորներ:

Դիմելով   հավաքի   մասնակիցներին՝  Արցախի  թեմի    առաջնորդը  մասնավորապես   նշել   է. «Մենք   շատ  ուրախ  ենք, որ  աշխարհի  տարբեր   վայրերից   ուխտավորներ  են     այցելել  Արցախ: Վստահ  եմ, որ   հավաքի   ծրագրերի   շրջանակներում  կլինեն   հետաքրքիր    միջոցառումներ, որոնք  անմոռաց  կդարձնեն յուրաքանչյուրի    առօրյան:  Կցանկանայի    ի  սպաս  դնեք  ձեր  ողջ   կարողությունը   հայրենիքի    հզորացման  ու բարգավաճման  գործում:  Մաթում  եմ    լավ  տրամադրություն,  ոգու  զորություն»:

Դամասկոսի  թեմի  առաջնորդ  Գերշ  Տ.  Արմաշ  եպիսկոպոս  Նալբանդյանը  ևս  կարևորել  է  հավաքի  ծրագրերի  մի  մասի  անցկացումն  Արցախում:

Նա   ասել  է, որ  Արցախի   հողում  լինելը   մեծ  պատիվ  և   հպարտություն  է  իրենց  համար:

«Արցախի   հաղթանակով  մենք  կրկին  հերոսացանք:  Այստեղ    հավաքված  երիտասարդ  ուխտավորները մեր  հերոսական  ժողովրդի   կատարած  հայրենանվեր   գործի շարունակողներն  են   լինելու: Պետք  է  գիտակցենք, որ  ուխտագնացությունը  յուրօրինակ հոգևոր խորհուրդ  է  իր մեջ  պարունակում»,-նշել  է  Դամասկոսի  թեմի  առաջնորդը:

Ուկրաինայի    հայոց  թեմի  առաջնորդ  Տեր  Մարկոս  եպիսկոպոս  Հովհաննիսյանի  խոսքով՝   ուխտագնացությունը  որևէ  մեկի  համար    չի  կարող  լինել   ձևական:

«Որպես  հոգևորական՝   իմ  առաջին   քայլերը  սկսել  եմ  հերոսական  Արցախից:  Եղել  եմ   մեր  բանակի առաջին   հոգևոր  սպասավորներից մեկը: Ես  շնորհակալ  եմ  Արցախի   հզոր  ժողովրդից: Վստահ  եմ, որ  ուխտավոր  երիտասարդները    նոր լիցքեր   և  ուժ  կստանան   Արցախի  սուրբ  հողից:   Որպես   հաղթանակած   ժողովրդի   զավակներ      պիտի   լիարժեք  ապրել  կյանքը՝  հաղթահարելով  բոլոր   դժվարությունները»,- ավելացրել  է    Ուկրաինայի    հայոց  թեմի  առաջնորդը:

Հայ  եկեղեցու  համաշխարհային  երիտասարդական   միավորման  հոգևոր   տեսուչ  և  կենտրոնական գրասենյակի տնօրեն   Տեր   Թովմա  վարդապետ  Խաչատրյանը   մեզ  հետ  զրույցում    ասել է, որ    իրենց  կառույցը  հիմնադրվել  է  2001  թվականին՝ Ամենայն  հայոց  կաթողիկոսի  կողմից:

«Արցախի    հետ  կապված  մեր  ծրագրերը  եղել  են  մասնակի: Այս  միջոցառմանը  մասնակցում են  աշխարհի  20  երկրի   շուրջ  300   երիտասարդ   ուխտավորներ: Մենք  այստեղ  ենք  Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի      առաջարկով:    Մեր    այցի  նպատակն  է  այցելել   սրբազան  Արցախ՝  լինել  կրողը  նորորյա  պատմության,   պատրաստակամություն  հայտնել  օգնելու արցախահայ  մեր  քույրերին  ու  եղբայրենրին: Անցյալ    տարի  ուխտագնացության    շրջանակներում  շուրջ   4000  ուխտավորներ   են   եկել Մայր  հայրենիք»,-  ավելացրել  է   Տեր   Թովմա  վարդապետ  Խաչատրյանը:

Ծրագրի  մասնակից    հալեպցի    Լիլիթ   Խայաթն  էլ   ասել է,  որ արդեն  երկու  տարի  է  ինչ  ինքն  ապրում  է  Երևանում:

Նրա  խոսքով՝  իրենց  այցի  նպատակն  է     տեսնել   սրբազան  Արցախը,    ծանոթանալ    ժողովրդի  հետ  և   իրենց     լուման  ներդնել  ԱՀ  զարգացման  գործում:

Լիլիթը  նշել  է,  որ   ինքն  անբացատրելի  զգացողություններ ունի, մարդիկ  շատ  բարիացակամ  են  և  հյուրասեր:    

Միջոցառմանը  ներկա  էին   ԱՀ   կրթության, գիտության  և  սպորտի  նախարար  Նարինե  Աղաբալյանը,   ՀՀ  ԿԳ,  մշակույթի և սպորտի նախարար Արայիկ  Հարությունյանը, ԱՀ  մշակույթի, երիտասարդության  հարցերի  և զբոսաշրջության  նախարար  Լեռնիկ  Հովհաննիսյանը,   հոգևորականներ     և այլք: