Մոլդովական «Air Moldova» ավիաընկերության «Airbus A320» ինքնաթիռի անձնակազմը հուլիսի 16-ին Մոսկվա-Քիշնեւ չվերթի ժամանակ հայտնաբերել է աջ շարժիչի տեխնիկական խափանում, որից հետո որոշում է կայացվել ըստ գործող կանոնադրության անջատել շարժիչն ու վերադառնալ Մոսկվա:
«Air Moldova»-ի 164 ուղեւորով օդանավի շարժիչն օդում խափանվել է. հայ օդաչուների շնորհիվ այն հաջող վայրէջք է կատարել
ՍՏԵՓԱՆԱԿԵՐՏ, 17 հուլիսի, ԱՐՑԱԽՊՐԵՍ: Քաղավիացիայի կոմիտեից NEWS.am-ին հայտնում են, որ օդանավը բարեհաջող վայրեջք է կատարել Մոսկվայի Դոմոդեդովո օդանավակայանում, օդանավում եղել են 164 ուղեւոր եւ 3 երեխա, նաեւ 6 հոգի ինքնաթիռը սպասարկող անձնակազմից:
Օդանավը գրանցված է ՀՀ օդանավերի ռեգիստրում եւ շահագործվում է Մոլդովական «Air Moldova» ավիաընկերության կողմից:
Խոսքը «Atlantis European Airways» ավիաընկերության EK-32002 գրանցումով օդանավի մասին է, որը վարձակալական հիմունքներով շահագործվում է Մոլդովայում:
Նշենք, որ օդանավի անձնակազմի անդամները հայեր են եղել, որի մասին ՔԱԿ հաղորդագրության մեջ չի նշվում:
Միջադեպի առնչությամբ ՀՀ վարչապետի խորհրդական Հակոբ Ճաղարյանը, ով զբաղվում է ավիացիոն ոլորտի խնդիրներով նշել է. «Այս փաստը նորից ապացուցում է, որ մեր օդաչուները բարձր որակավորում ունեն: Ամեն ինչ կանեմ, որ նրանք հայկական ավիաընկերությունում աշխատեն եւ իրենց որակի օդաչուներ պատրաստեն Հայաստանի համար»:
Նկատենք, որ flightradar24.com-ում երեւում է, որ Մոսկվայից օդ բարձրանալուց հետո օդանավը սկսել է պտտվել «Դոմոդեդովոյից» մի քանի կմ հեռավորության վրա, որից հետո որոշում է կայացվել վերադառնալ Մոսկվա:
Այս օդանավը կառուցվել է 1997 թվականին, այն եղել է «Արմավիայի» հաշվեկշռում: Այժմ օդանավը գրանցված է «Atlantis European Airways»-ի անվան տակ, որն իր օդանավերը վարձակալությամբ հանձնում է այլ օպերատորների:
Սա առաջին նման միջադեպը չէ, որի մեջ հայտնվում է այս օդանավը: 2017 թ. հուլիսի 2-ին հունական Կրետե կղզու Իրակլիո քաղաքից դեպի Քիշնեւ ուղեւորվող EK-32002-ը թռիչքի մեկնարկից շատ չանցած վերադարձել էր կղզի, որի պատճառը եղել էր տեխնիկական անսարքությունը:
