Artsakhpress

Տնտեսական

Ստեփանակերտում կայացել է ԱՀ և ՀՀ հանրային ծառայությունների համատեղ նիստը

Այսօր՝ հուլիսի 19-ին, Արցախի Հանրապետության Կառավարության շենքի նիստերի դահլիճում կայացել է ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի և Հայաստանի Հանրապետության հանրային ծառայությունները կարգավորող հանձնաժողովի համատեղ նիստը:

Ստեփանակերտում կայացել է ԱՀ և ՀՀ հանրային ծառայությունների համատեղ նիստը

Ստեփանակերտում կայացել է ԱՀ և ՀՀ հանրային ծառայությունների համատեղ նիստը

ՍՏԵՓԱՆԱԿԵՐՏ, 19 հուլիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ նիստին հանդես է եկել ԱՀ Հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Միքայել Վիրաբյանը: Նա նշել է, որ ընտրված ձևաչափով ընթացիկ տարում ԱՀ հանրային ծառայությունները  և տնտեսական մրցակցությունը կարգավորող պետական և ՀՀ հանրային ծառայությունները կարգավորող հանձնաժողովները հանդիպում են առաջին անգամ:

«Հանձնաժողովների միջև համագործակցության հիմքը դրվել է դեռևս 2007 թվականից և այս տարիների ընթացքում 2 կառույցների միջև ստորագրվել են համագործակցության համաձայնագրեր, որոնց հիման վրա էլ ըստ տարիների կազմվել են համատեղ աշխատանքային ծրագրեր: Ընթացիկ տարվա համատեղ աշխատանքային ծրագիրը ստորագրվել է Երևանում՝ սույն թվականի մարտի 15-ին: Համագործակցության առաջին համաձայնագրից ի վեր լայնածավալ աշխատանքներ են տարվել պետության կարգավորման գործառույթի ինստիտուտի կայացման, միջազգային կառույցների ինտեգրման և հանձնաժողովների միջև փոխգործակցության ամրապնդման ուղղությամբ: ՀՀ հանրային ծառայությունները կարգավորող հանձնաժողովի հետ իրականացվել են ոլորտները կանոնակարգող  իրավական դաշտի, էներգետիկայի, ջրային համակարգերի  գործունեության, հեռահաղորդակցության բնագավառներում կարգավորման աշխատանքներ:Իրավական կարգավորում է ստացել ոլորտին առնչվող օրենսդրական դաշտը՝ հնարավորինս համապատասխանեցվելով միջազգային չափորոշիչներին, ներդրվել են սակագնային քաղաքականության վարման մեխանիզմներ, ընթացակարգեր, ուղեցույցներ, աջակցություն է ցուցաբերվել մասնագիտական կողմնորոշման, կարողությունների զարգացման, մեթոդաբանության մշակման ուղղությամբ և այլն:Այս տարիների ընթացքում ապահովվել է ԱՀ հանձնաժողովի մասնագետների մասնակցությունը ՀՀ-ում և արտեկրում կազմակերպվող վերապատրաստման դասընթացներին և սեմինարներին: Հաշվի առնելով գործընկեր կառույցների համագործակցության արդյունավետությունը՝ նախատեսում ենք ունեցած ձեռքբերումների հիման վրա շարունակել թիմային համատեղ աշխատանքը՝ ինչն ավելի գործնական միջավայր կստեղծի խնդիրների վերհանման ու դրանց արդյունավետ լուծման համար»,-մասնավորապես ասել է Մ. Վիրաբյանը:
ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանն էլ իր ելույթում նշել է, որ Արցախի հետ համագործակցությունը շուրջ 12  տարվա պատմություն ունի և ինքը համոզված է, որ այն կշարունակվի նույն արդյունավետությամբ և նոր որոկների հաղորդմամբ:
«Հայաստանի էլեկտրաէներգետիկական համակարգում գրանցված զարգացումներն ու բարեփոխումները մեր օգնությամբ կիրականացնենք նաև Արցախում:Այդ բարեփոխումները նպատակաուղղված են էներգահամակարգի հուսալիության, անվտանգության ավելացմանը, սպառողների համար հուսալի ծառայության մատուցմանը»,-մասնավորապես ասել է Գ.Բաղրամյանը:
Համատեղ նիստի ընթացքում ԱՀ հանրային ծառայությունները կարգավորող հանձնաժողովի անդամների կողմից ներկայացվել են մի շարք օրակարգային հարցեր:

     

Ռազմական

Հասարակական

Տնտեսական

Ամենադիտված

ամիս

շաբաթ

օր

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Արցախցի մարզիկներն արժանացել են ոսկե մեդալների

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

Search