ԱՀ կրթության, գիտության և սպորտի նախարարությունը հայտարարում է մրցույթ՝ Հանրապետության հանրակրթական և նախադպրոցական ուսումնական հաստատություններում առկա թափուր տեղերի համար։
Արցախի դպրոցներում ուսուցիչների թափուր աշխատատեղերի համար հայտարարվել է մրցույթ
ՍՏԵՓԱՆԱԿԵՐՏ, 8 օգոստոսի, ԱՐՑԱԽՊՐԵՍ: ԱՀ ԿԳՍ մամլո ծառայության փոխանցմամբ՝ մրցույթի մասնակիցների գիտելիքների և մասնագիտական կարողությունների ստուգումն անցկացվելու է երկու փուլով՝ գրավոր և բանավոր՝ ըստ ԱՀ ԿԳՍ-ի կողմից հաստատված հարցաշարերի:
Մրցույթին մասնակցելու համար անձը հանձնաժողով է ներկայացնում անհրաժեշտ մի շարք փաստաթղթեր: Դրանք ընդունվում են ամեն օր՝ Ժամը 9:00-ից մինչև 15:00-ն, բացի շաբաթ և կիրակի օրերից, համապատասխան հանրակրթական ուսումնական հաստատությունում: Փաստաթղթերն ընդունվում են մինչև օգոստոսի 23-ը ներառյալ: Մրցույթները տեղի կունենան օգոստոսի 26-30-ն ընկած ժամանակահատվածում:
Նշենք, որ թափուր աշխատատեղերի ցանկին առավել մանրամասն ցանկացողները կարող են ծանոթանալ ԱՀ ԿԳՍ-ի պաշտոնական կայքում:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -26-:
