Հայկական շախմատի առաջատար Լեւոն Արոնյանը Grand Chess Tour (GCT) շարքի արագ շախմատի Սենթ Լուիսի մրցաշարի (St. Louis Rapid & Blitz) 6-րդ տուրում սպիտակ ֆիգուրներով մրցեց ԱՄՆ-ն ներկայացնող կուբացի Լենիեր Դոմինգեսի հետ եւ 70-րդ քայլում համաձայնեց ոչ ոքի արդյունքի։
Լեւոն Արոնյանը՝ միանձնյա առաջատար
ՍՏԵՓԱՆԱԿԵՐՏ, 12 օգոստոսի, ԱՐՑԱԽՊՐԵՍ: Արոնյանը 10 միավորով (հաղթանակի համար տրվում է 2, ոչ ոքիի համար՝ 1 միավոր) միանձնյա գլխավորում է մրցաշարային աղյուսակը։ Երկրորդ տեղում ընթացող ֆրանսիացի Մաքսիմ Վաշյե-Լագրավն ունի 9 միավոր, հայտնում է News.am-ը։
Առաջին տուրում Արոնյանը հաղթել էր ֆրանսիացի Մաքսիմ Վաշյե-Լագրավի հետ, երկրորդ տուրում՝ ռուսաստանցի Սերգեյ Կարյակինին, երրորդ տուրում՝ ադրբեջանցի Շաքրիյար Մամեդյարովին, չորրորդ տուրում Արոնյանը ոչ ոքի էր խաղացել չինացի Դին Լիրենի հետ, 5-րդ տուրում պարտության մատնել աշխարհի չեմպիոն, նորվեգացի Մագնուս Կարլսենին։
Արագ շախմատի մրցաշարի վերջին երեք տուրերում օգոստոսի 12-ին Արոնյանի մրցակիցները կլինեն ամերիկացի Ֆաբիանո Կարուանան, հունգարացի Ռիչարդ Ռապորտը եւ չինացի Յու Յանջին։
Օգոստոսի 13-15-ը կանցկացվի կայծակնային խաղի մրցաշարը՝ 18 տուր։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -15-:
