Artsakhpress

Հասարակական

Հարավային զբոսաշրջային երթուղին և Հադրութի զարգացման առաջնահերթությունները

ԱՀ պետական նախարար Գրիգորի Մարտիրոսյանը օգոստոսի 17-ին աշխատանքային այցով Հադրութի շրջանում էր:

Հարավային զբոսաշրջային երթուղին և Հադրութի զարգացման առաջնահերթությունները

Հարավային զբոսաշրջային երթուղին և Հադրութի զարգացման առաջնահերթությունները
ՍՏԵՓԱՆԱԿԵՐՏ, 18 օգոստոսի, ԱՐՑԱԽՊՐԵՍ: ԱՀ պետական նախարարի աշխատակազմի տեղեկատվության և հասարակայնության հետ կապերի բաժնի փոխանցմամբ՝ Տողում Գ.Մարտիրոսյանը հետևել է մայրուղուց դեպի գյուղ տանող 2կմ–ոց ճանապարհահատվածի կապիտալ շինարարության ընթացքին, որը լրացուցիչ խթանելու է հարավային զբոսաշրջային ուղղության զարգացմանը: Տողի մելիքական ապարանքում պետնախարարին է ներկայացվել այցելուների վիճակագրությունը. 2019-ին շուրջ 3000 մարդ հաղորդակցվել է մեր պատմության փառահեղ էջերից մեկի հետ: Բարեգործական միջոցներով վերականգնվում է 17-18-րդ դարերով թվագրված ՍԲ Հովհաննես եկեղեցին: Գրիգորի Մարտիրոսյանին իրականացվող աշխատանքների մասին պատմել են վերականգնող մասնագետները:
Այնուհետև պետնախարարը գնահատել է նաև գյուղի կենտրոնական հատվածում իրականացվող շինարարության ընթացքը, պատասխանատուներին հանձնարարել հին ու կիսաքանդ շինությունները փոխարինել ընդարձակ, համապատասխան կահավորումներով հրապարակով: Պետական միջոցներով իրականացվող ծրագրին այս տարի կավելանան նաև մանկապարտեզի ջեռուցման և բակի բարեկարգման աշխատանքները: Տողը սեպտեմբերի 21-ին կհյուրընկալի արցախյան գինու փառատոնը: Պետնախարարը տեղում հետաքրքրվել է նախապատրաստական աշխատանքներով, Կատարո գինու գործարանում և խաղողի այգիներում ծանոթացել արցախյան գինին միջազգային շուկայում ճանաչելի դարձնող ընկերության զարգացման ծրագրերին:
Քաղաքաշինության բնագավառում Հադրութի շրջանում լուծվում է եվս մեկ կարևոր խնդիր. Ավարտվում են Հադրութի շրջանային բուժմիավորման  ծննդատան վերակառուցման աշխատանքները: Առողջապահության նախարար Արայիկ Բաղրյանի խոսքով՝ նոր ծննդատան շինարարության հովանավորը եգիպտահայ բարերար է, սարքավորումների հարցը կլուծվի պետական միջոցներով: Գ.Մարտիրոսյանը կարևորել է առողջապահության բնագավառում պետական-մասնավոր հատվածի սերտ համագործակցությունը, ինչի արդյունքում տարեցտարի բարելավվել են հանրապետության շրջանների առողջապահական հիմնարկների շենքային պայմաններն ու տեխնիկական հագեցվածությունը:
Շրջանի զարգացման ծրագրերի ու տեղերում իրականացվող աշխատանքների արդյունավետությունն ավելի բարձրացնելու հրամայականով էր վարչակազմում հրավիրված խորհրդակցությունը: Զեկույցներով հանդես են եկել շրջվարչակազմի ղեկավարն ու աշխատակազմի ոլորտային պատասխանատուները: Պետական նախարարը վստահեցրել է՝ բնական աղետներից տուժած հողօգտագործողներին տրվելու է աջակցություն, առաջիկայում կարգավորվելու են նաև ջրամատակարարման խնդիրները:
Հադրութ կատարած աշխատանքային այցը եզրափակվել է շրջանի հինավուրց և զբոսաշրջային մեծ ներուժ ունեցող Վանք և Տյաք գյուղերում, որտեղ ամբողջությամբ բացահայտված չեն էթնոտուրիզմի և մշակութային տուրիզմի հնարավորությունները:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարինուղարկելով sms հաղորդագրություն՝ նշելով համապատասխան կոդը` -17-: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Ընտրախախտումների վերաբերյալ նոր հաղորդումներ են ստացվել

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հայաստանում գրանցված երկրաշարժի էպիկենտրոնում ստորգետնյա ցնցման ուժգնությունը կազմել է 6-7 բալ

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Search