ԱՄՆ պետքարտուղար Մայք Պոմպեոն Չինաստանին կոչ է արել հարգել Հոնկոնգի ցուցարարների իրավունքներն ու հավատարիմ մնալ կառավարման 2 համակարգով մեկ պետության սկզբունքի իր հակվածությանը:
Պոմպեոն Չինաստանին կոչ է արել հարգել Հոնկոնգի ցուցարարների իրավունքները
ՍՏԵՓԱՆԱԿԵՐՏ, 20 օգոստոսի, ԱՐՑԱԽՊՐԵՍ: «Կարծում եմ՝ նախագահ Դոնալդ Թրամփը հիանալի հասկանում է դա, երբ ասում է, որ մենք աջակցում ենք ժողովրդավարությանն ու ազատությանը: Մենք ցանկանում ենք, որպեզի ցուցարարները կարողանան հանդես գալ ազատության անունից»,- news.am-ի փոխանցմամբ՝ ասել է Պոմպեոն CBS-ին տված հարցազրույցում:
Նրա խոսքով՝ 2 ամսից ավելի շարունակվող ցույցերը պետք է խաղաղ բնույթ ունենան, եւ չինական կառավարությունը պետք է հարգի ցուցարարների իրավունքները:
«Չինաստանը պետք է կատարի իր պարտավորությունները: Առեւտրային գործարքում խնդիրներից մեկն այն է, որ անհրաժեշտ է համոզվել, որ Չինաստանն իսկապես կատարում է իր պարտավորությունները»,- հավելել է ԱՄՆ պետքարտուղարը՝ խոսելով ԱՄՆ-Չինաստան առեւտրային վեճի մասին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -54-:
