Artsakhpress

Միջազգային

Հյուսիսային Կորեան իրականացրել է 2 հրթիռային արձակում. Ճապոնիան բողոք է հայտնել

Ճապոնիան Հյուսիսային Կորեային բողոք է հայտնել՝ կապված շաբաթ իրականացրած 2 բալիստիկ հրթիռների  արձակումների հետ:

Հյուսիսային Կորեան իրականացրել է 2 հրթիռային արձակում. Ճապոնիան բողոք է հայտնել

Հյուսիսային Կորեան իրականացրել է 2 հրթիռային արձակում. Ճապոնիան բողոք է հայտնել
ՍՏԵՓԱՆԱԿԵՐՏ, 24 օգոստոսի, ԱՐՑԱԽՊՐԵՍ: NEWS.am-ի փոխանցմամբ, այս մասին հայտնում է «ՌԻԱ Նովոստի»-ն՝ վկայակոչելով երկրի ԱԳՆ ներկայացուցչին:
«Մենք Հյուսիսային Կորեային արդեն վճռական բողոք ենք հայտնել»,- «Կիոդո» գործակալության փոխանցմամբ՝ ասել է Ճապոնիայի ԱԳ նախարարի խորհրդարանական տեղակալ Կիյոտո Ցուձին: Նա այդ մասին ասել է իշխող Լիբերալ-դեմոկրատական կուսակցության հետ հանդիպման ժամանակ:
Շաբաթ առավոտյան Հյուսիսային Կորեան Ճապոնական ծովի ուղղությամբ կատարել է 2 արձակում՝ հավանաբար, փոքր հեռահարության բալիստիկ հրթիռների: Դրանք ընկել են Ճապոնիայի բացառիկ տնտեսական գոտու եւ նրա տարածքային ջրերի սահմաններից դուրս: Ճապոնիայի պաշտպանության նախարար Տակեսի Իվայան հայտարարել է, որ հրթիռները բալիստիկ էին, որոնց արձակումները ՄԱԿ Անվտանգության խորհրդի բանաձեւերի բացահայտ խախտում են:
Այս արձակումներն առաջինն էին ամերիկա-հարավկորեական զորավարժությունների ավարտից հետո, որոնք անցկացվել էին օգոստոսի 5-20-ը եւ Հյուսիսում առաջացրել էին խիստ բացասական արձագանք: Հյուսիսային Կորեան հուլիսի վերջից ընդհանուր իրականացրել է հրթիռների եւ ռեակտիվ արկերի 7 արձակում:
Հարավկորեացի զինվորականների կարծիքով՝ շաբաթ իրականացվել է արկերի արձակում, որոնք անցել են 380 կմ տարածություն: Առավելագույն բարձրությունը կազմել է 97 կմ, առավելագույն արագությունը՝ 6,5 Մախից ավելի: Ճապոնիայի պաշտպանության նախարարությունը պնդում է, որ դրանք փոքր հեռահարության բալիստիկ հրթիռներ էին, այս պատճառով դրանց թռիչքի հեռավորությունը կազմել է 350-ից մինչեւ 400 կիլոմետր:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -38-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ավստրալիայում տոննաներով գազար են նետել ուղղաթիռից՝ կենդանիներին կերակրելու համար

Կենսաթոշակների բարձրացում անպայման լինելու է. ոլորտի պատասխանատու

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 8-ին

Ադրբեջանցի օպերային երգիչը հրաժարվել է հայուհու հետ ելույթ ունենալ էթնիկ պատկանելության պատճառով

«Շատ վիրավորված եմ քեզանից»․ Արայիկ Հարությունյանը՝ Հրանտ Բագրատյանին

«Քաղաքական պայքարի այս փուլից Արցախը պետք է դուրս գա ուժեղացած և ոչ թե՝ պառակտված»

Կարմիր շուկայում բազմաբնակարան շենքերի կառուցման աշխատանքներն ընթացքի մեջ են

Հանրապետությունում շմոլ գազի հետևանքով քաղաքացիներ են թունավորվել. նրանց վիճակը բավարար է

Հայ-ադրբեջանական սահմանին պայմանագրային զինծառայող է վիրավորվել

Search