ՍՏԵՓԱՆԱԿԵՐՏ, 27 օգոստոսի, ԱՐՑԱԽՊՐԵՍ: «Արցախպրես»-ի թղթակցի հետ զրույցում նա անդրադարձել է նախընտրական ծրագրում ընդգրկված դրույթների իրագործման եղանակներին, մայրաքաղաքի հրատապ լուծում պահանջող խնդիրներին և մի շարք այլ հարցերի:

-Նախընտրական ծրագրի ամենակարևոր դրույթը թերևս կառավարման ոլորտում նոր մշակույթի ձևավորումն է, ինչպես նաև մեր քաղաքացիների համար սպասարկման ոլորտի որակի բարձրացումը: Մասնավորապես՝ պետք է քաղաքապետարանի և քաղաքացիների միջև հարաբերությունները դնել ավելի բաց հարթակում և հնարավորություն տալ քաղաքացուն իր բոլոր անհրաժեշտ հարցերի պատասխանները ստանալու հեշտ և տարբերակված մոդելով: Երկրորդ կարևոր դրույթն է հանրայնացնել և ձևավորել այնպիսի համակարգ, որի շնորհիվ քաղաքացիները երկխոսության եղանակով կարողանան քաղաքի զարգացման գործում համաչափ մասնակցություն ունենալ, իրենց առաջարկությունները և տեսակետները ներկայացնել: Այդ առթիվ նախատեսում ենք ներդնել «Ակտիվ քաղաքացի» ծրագիրը: Միևնույն ժամանակ պետք է նշեմ, որ ուղիղ եթեր կհեռարձակվեն ավագանու նիստերը: Բացի դրանից, ծրագրում ներառված են բարեկարգման աշխատանքներ՝ կապված շենքերի շքամուտքերի վերականգնման, վթարային պատշգամբների վերակառուցման, տանիքների վերանորոգման և բակերի բարեկարգման հետ:

Կարծում եմ՝ այդ ամենը ուսումնասիրելուց հետո պետք է ընդունել կառավարության որոշումներ, որպեսզի կարողանանք պետական բյուջեից նախատեսվող գումարը փոքր-ինչ ավելացնել, և քաղաքացիների նվազագույն  պահանջները իրականացնել: Կա լուրջ խնդիր՝ կոյուղիների հետ կապված, որը շատ վտանգավոր է և կարող է հակասանիտարական իրավիճակ ստեղծել: Պետք է ուշադրություն դարձնել այդ խնդրին և կոյուղիների կապիտալ վերանորոգում իրականացնել: Եվս մեկ կարևոր խնդիր է տրանսպորտի ոչ լիարժեք աշխատանքների իրականացումը: Մասնավորապես` Ստեփանակերտի ծայրամասերում ապրող մեր բնակիչների համար այն միշտ չէ, որ հասանելի է:

-Ներկայացված խնդիրները մեկը մյուսից հրատապ են: Սակայն, կարծում եմ, ամենահրատապ հարցը մեր հասարակության և քաղաքացիների մեջ իշխանությունների հանդեպ հույսը և հավատը նորից վերականգնելն է: Չպետք է սոցիալական դժգոհություն լինի: Շփվելով քաղաքացիների հետ` ակնհայտ է դառնում, որ մենք կորցրել ենք հավատը, քանի որ միշտ լինում են խոստումներ, որոնք չեն իրականանում, իսկ լավագույն դեպքում՝ լրիվությամբ կյանքի չեն կոչվում:

-Իհարկե, ոչ, և դա համարվում է ցավոտ խնդիրներից մեկը: Համայնքային բյուջեն բավարար չէ այն պրոյեկտների իրականացման համար, որոնք մենք ենք նախատեսում: Ակնկալում եմ ճիշտ դիվանագիտական հարաբերություններ սահմանել Սփյուռքի մեր հայրենակիցների հետ՝ իրենց ներգրավվածությունը ապահովելով մեր քաղաքի զարգացման գործում:

-Որևէ անուն չեմ հրապարակի, որովհետև ամեն դեպքում յուրաքանչյուր թեկնածուի կողքին կանգնած է մեր ժողովուրդը: Ամենալուրջ մրցակիցը մեր ժողովուրդն է: Ում ժողովուրդը կընտրի, բնականաբար նա էլ կլինի մրցակից:

-Շանսերս գնահատում եմ բավարար: Կարծում եմ՝ իմ ներկայացրած ծրագիրը պետք է շահագրգռի ոչ միայն ժողովրդին, այլև շահագրգիռ կառույցներին, ովքեր պետք է միջամտեն և այդ բոլոր փոփոխությունները կյանքի կոչեն, քանի որ բոլոր ոլորտներում են նախատեսվում բարեփոխումներ:

-Թերևս հնչեցրած հարցերից ամենադժվարինն էր: Ես փորձում եմ իմ տեսակետը ներկայացնել այնպես, ինչպես որ կա: Ես չեմ ներկայացնում աբստրակտ որևէ երևույթ: Իմ հանդիպումների ժամանակ ես միշտ ասում եմ, որ չպետք է ակնկալել, որ 1 տարվա ընթացքում փոփոխությունները կլինեն տեսանելի: Կառավարման ոլորտում փոփոխությունները, գուցե, տեսանելի կլինեն ավելի վաղ, սակայն, քաղաքի համաչափ զարգացման հետ կապված, առաջին փոփոխությունները տեսանելի կլինեն մոտ 2.5-3 տարի հետո: Քանի որ անհրաժեշտ է լինելու մշակել մայրաքաղաքի գլխավոր հատակագիծը, որի համար մեզ պետք է լինելու առնվազն 2 տարի:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -34-: