Artsakhpress

Հարցազրույց

Կառավարման ոլորտում ձևավորելու ենք նոր մշակույթ. Գրիգորի Սահակյան

Ընթացիկ տարվա սեպտեմբերի 8-ին Արցախում տեղի կունենան տեղական ինքնակառավարման մարմինների ընտրություններ: Ստեփանակերտում քաղաքապետի պաշտոնի համար առաջադրված հինգ թեկնածուներից այս անգամ մեր զրուցակիցն է Գրիգորի Սահակյանը:

Կառավարման ոլորտում ձևավորելու ենք նոր մշակույթ. Գրիգորի Սահակյան

Կառավարման ոլորտում ձևավորելու ենք նոր մշակույթ. Գրիգորի Սահակյան
ՍՏԵՓԱՆԱԿԵՐՏ, 27 օգոստոսի, ԱՐՑԱԽՊՐԵՍ: «Արցախպրես»-ի թղթակցի հետ զրույցում նա անդրադարձել է նախընտրական ծրագրում ընդգրկված դրույթների իրագործման եղանակներին, մայրաքաղաքի հրատապ լուծում պահանջող խնդիրներին և մի շարք այլ հարցերի:
-Պարո՛ն Սահակյան, նախընտրական ի՞նչ ծրագրով եք հանդես գալիս: Կխնդրեի առաձնացնել հիմնական դրույթները:
-Նախընտրական ծրագրի ամենակարևոր դրույթը թերևս կառավարման ոլորտում նոր մշակույթի ձևավորումն է, ինչպես նաև մեր քաղաքացիների համար սպասարկման ոլորտի որակի բարձրացումը: Մասնավորապես՝ պետք է քաղաքապետարանի և քաղաքացիների միջև հարաբերությունները դնել ավելի բաց հարթակում և հնարավորություն տալ քաղաքացուն իր բոլոր անհրաժեշտ հարցերի պատասխանները ստանալու հեշտ և տարբերակված մոդելով: Երկրորդ կարևոր դրույթն է հանրայնացնել և ձևավորել այնպիսի համակարգ, որի շնորհիվ քաղաքացիները երկխոսության եղանակով կարողանան քաղաքի զարգացման գործում համաչափ մասնակցություն ունենալ, իրենց առաջարկությունները և տեսակետները ներկայացնել: Այդ առթիվ նախատեսում ենք ներդնել «Ակտիվ քաղաքացի» ծրագիրը: Միևնույն ժամանակ պետք է նշեմ, որ ուղիղ եթեր կհեռարձակվեն ավագանու նիստերը: Բացի դրանից, ծրագրում ներառված են բարեկարգման աշխատանքներ՝ կապված շենքերի շքամուտքերի վերականգնման, վթարային պատշգամբների վերակառուցման, տանիքների վերանորոգման և բակերի բարեկարգման հետ:
Կարծում եմ՝ այդ ամենը ուսումնասիրելուց հետո պետք է ընդունել կառավարության որոշումներ, որպեսզի կարողանանք պետական բյուջեից նախատեսվող գումարը փոքր-ինչ ավելացնել, և քաղաքացիների նվազագույն  պահանջները իրականացնել: Կա լուրջ խնդիր՝ կոյուղիների հետ կապված, որը շատ վտանգավոր է և կարող է հակասանիտարական իրավիճակ ստեղծել: Պետք է ուշադրություն դարձնել այդ խնդրին և կոյուղիների կապիտալ վերանորոգում իրականացնել: Եվս մեկ կարևոր խնդիր է տրանսպորտի ոչ լիարժեք աշխատանքների իրականացումը: Մասնավորապես` Ստեփանակերտի ծայրամասերում ապրող մեր բնակիչների համար այն միշտ չէ, որ հասանելի է:
-Իսկ մայրաքաղաքում առկա խնդիրներից որո՞նք եք առաջնահերթ համարում:
-Ներկայացված խնդիրները մեկը մյուսից հրատապ են: Սակայն, կարծում եմ, ամենահրատապ հարցը մեր հասարակության և քաղաքացիների մեջ իշխանությունների հանդեպ հույսը և հավատը նորից վերականգնելն է: Չպետք է սոցիալական դժգոհություն լինի: Շփվելով քաղաքացիների հետ` ակնհայտ է դառնում, որ մենք կորցրել ենք հավատը, քանի որ միշտ լինում են խոստումներ, որոնք չեն իրականանում, իսկ լավագույն դեպքում՝ լրիվությամբ կյանքի չեն կոչվում:
-Պարո՛ն Սահակյան, Ձեր կարծիքով՝ համայնքի բյուջեն կբավարարի՞ մայրաքաղաքի հիմնական խնդիրները լուծելու համար:
-Իհարկե, ոչ, և դա համարվում է ցավոտ խնդիրներից մեկը: Համայնքային բյուջեն բավարար չէ այն պրոյեկտների իրականացման համար, որոնք մենք ենք նախատեսում: Ակնկալում եմ ճիշտ դիվանագիտական հարաբերություններ սահմանել Սփյուռքի մեր հայրենակիցների հետ՝ իրենց ներգրավվածությունը ապահովելով մեր քաղաքի զարգացման գործում:
- Որպես քաղաքապետի թեկնածու՝ ու՞մ եք համարում հիմնական մրցակից:
-Որևէ անուն չեմ հրապարակի, որովհետև ամեն դեպքում յուրաքանչյուր թեկնածուի կողքին կանգնած է մեր ժողովուրդը: Ամենալուրջ մրցակիցը մեր ժողովուրդն է: Ում ժողովուրդը կընտրի, բնականաբար նա էլ կլինի մրցակից:
-Իսկ ի՞նչպես եք գնահատում Ձեր շանսերը:
-Շանսերս գնահատում եմ բավարար: Կարծում եմ՝ իմ ներկայացրած ծրագիրը պետք է շահագրգռի ոչ միայն ժողովրդին, այլև շահագրգիռ կառույցներին, ովքեր պետք է միջամտեն և այդ բոլոր փոփոխությունները կյանքի կոչեն, քանի որ բոլոր ոլորտներում են նախատեսվում բարեփոխումներ:
-Պարո՛ն Սահակյան, ինչու՞ պետք է ստեփանակերտցին ընտրի հենց Ձեզ:
-Թերևս հնչեցրած հարցերից ամենադժվարինն էր: Ես փորձում եմ իմ տեսակետը ներկայացնել այնպես, ինչպես որ կա: Ես չեմ ներկայացնում աբստրակտ որևէ երևույթ: Իմ հանդիպումների ժամանակ ես միշտ ասում եմ, որ չպետք է ակնկալել, որ 1 տարվա ընթացքում փոփոխությունները կլինեն տեսանելի: Կառավարման ոլորտում փոփոխությունները, գուցե, տեսանելի կլինեն ավելի վաղ, սակայն, քաղաքի համաչափ զարգացման հետ կապված, առաջին փոփոխությունները տեսանելի կլինեն մոտ 2.5-3 տարի հետո: Քանի որ անհրաժեշտ է լինելու մշակել մայրաքաղաքի գլխավոր հատակագիծը, որի համար մեզ պետք է լինելու առնվազն 2 տարի:
Հարցազրույցը՝ Անի Ավանեսյանի
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -34-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Ստեփանակերտի որոշ փողոցներում ժամանակավորապես կդադարեցվի գազամատակարարումը

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Բակո Սահակյանը հրավիրել է աշխատանքային խորհրդակցություն

Քարվաճառում առաջին անգամ կազմակերպվել է մեղրի փառատոն (լուսանկարներ)

Search