Artsakhpress

Քաղաքական

ՀՀ ԱԺ պատվիրակությունն ամփոփել է Արցախի ՏԻՄ ընտրությունների դիտարկման արդյունքները

Արցախի տեղական ինքնակառավարման մարմինների ընտրություններին դիտորդական առաքելություն իրականացրած ՀՀ Ազգային ժողովի պատգամավորական պատվիրակությունն այսօր հանդես է եկել ամփոփիչ մամուլի ասուլիսով:

ՀՀ ԱԺ պատվիրակությունն ամփոփել է Արցախի ՏԻՄ ընտրությունների դիտարկման արդյունքները

ՀՀ ԱԺ պատվիրակությունն ամփոփել է Արցախի ՏԻՄ ընտրությունների դիտարկման արդյունքները
ՍՏԵՓԱՆԱԿԵՐՏ, 9 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ ասուլիսին, ի դեմս ՀՀ Ազգային ժողովի պետական-իրավական հարցերի մշտական հանձնաժողովի նախագահ Վլադիմիր Վարդանյանի, պատգամավորները ներկայացրել են ընտրատեղամասերում արձանագրված իրավիճակը, առկա թերություններն ու բացթողումները, ապա պատասխանել լրագրողների կողմից հնչեցված մի շարք հարցերին:
Իր խոսքում՝ ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանն ասել է, որ պատվիրակությունը Արցախի տարբեր շրջանների 37 ընտրական տեղամասերում հետևել է գործընթացին:
Վ. Վարդանյանի խոսքով՝ որոշ բացթողումներ փոխկապակցված են եղել օրենսդրական ոչ հստակ կարգավորումների հետ: Մասնավորապես՝ արդյունավետ կլիներ, եթե համայնքի ղեկավարի և ավագանու անդամների թեկնածուների քվեատուփերը լինեին առանձին: Սա, ըստ Վ. Վարդանյանի, կթեթևացնի այն աշխատանքը, որը կատարվում է քվեարկությունների ամփոփման փուլում:
«Բացի դրանից,պետք է նախատեսել քվեարկության գաղտնիության ամենաբարձր երաշխավորման շեմ, և դրա լավագույն օրինակներից մեկը կարող է հանդիսանալ այն, որ քվեաթերթիկները համապատասխանաբար դրվեն դրանց համար նախատեսված ծրարներում: Սա կբացառի որևէ տեսակի ասեկոսեները առ այն, որ քվեարկության գործընթացի գաղտնիությունը չի ապահովվում: Եվս մեկ կարևոր խնդիր է այն, որ շատ դեպքերում չհրկիզվող պահարանները չէին գտնվում համապատասխան դահլիճներում, որտեղ ընտրությունը կազմակերպվում էր: Համոզված եմ, որ գալիք ընտրություններին նման իրավիճակ չի կրկնվի»,- մասնավորապես ասել է Վ. Վարդանյանը:
Դիտորդական առաքելություն իրականացրած «Լուսավոր Հայաստան» խմբակցության պատգամավոր Անի Սամսոնյանը շնորհավորել է արցախցիներին՝ ազատ և ժողովրդավար ՏԻՄ ընտրություններ կազմակերպելու համար:
Նա նշել է, որ ընտրություններն անցել են խաղաղ ու հանգիստ պայմաններում, և մարդիկ գալիս էին ընտրատեղամասեր՝ կատարելու և իրացնելու իրենց ընտրական իրավունքը, ինչը միանշանակ ողջունելի է:
«Մարդկանց մոտ տիրում էր տոնական տրամադրություն, և ակնհայտ էր, որ արցախցիների համար նույնիսկ ՏԻՄ ընտրությունները նշանակալի իրադարձություն են: Ընտրությունների մասնակցության ակտիվությունը ապահովելու համար փոքր-ինչ անբարենպաստ էր եղանակը:  Այս մտահոգությունը հայտնում էին նաև ընտրական տեղամասերի հանձնաժողովների անդամները: Տեխնիկական թերությունները հիմնականում կապված էին ընտրական տեղամասերը ճիշտ կահավորելու հետ: Մի շարք հարցեր էլ կապված էին ընտրական տեղամասերի հանձնաժողովների անդամների կարողությունների զարգացման հետ: Այդ առումով, կարծում եմ, վերապատրաստումների անհրաժեշտություն կա, և այս ուղղությամբ պետք է աշխատանքներ տարվեն»,- ավելացրել է Ա. Սամսոնյանը:
 
«Իմ քայլը» խմբակցության պատգամավոր Քրիստինե Պողոսյանն էլ ՏԻՄ ընտրությունները որակել է բացառիկ խաղաղ և ժողովրդավար: Նրա խոսքով՝  շատ կարևոր է քաղաքացիների չափազանց մեծ պատասխանատվությունը սեփական իշխանության նկատմամբ:
«Իմ քայլը» խմբակցության պատգամավոր Սիսակ Գաբրիելյանն էլ ընտրությունները համարել է լեգիտիմ, և նշել, որ սա մի փաստ է, որն ընդունելի է աշխարհի դե ֆակտո բոլոր երկրներում:
Ս. Գաբրիելյանը վստահ է՝ կարճ ժամանակահատվածում ժողովրդավար Արցախը միջազգային  երկրների համար դառնալու է դե յուրե երկիր:
«Իմ քայլը» խմբակցության պատգամավոր Լիլիթ Ստեփանյանն էլ նշել է, որ բավականին տպավորված է Արցախում և, մանավանդ, հեռավոր գյուղերում նման բարձր մակարդակով կազմակերպված ընտրություններից:
«Այս ամենը պետք է ամրագրել և դարձյալ առաջ շարժվել: Կարծում եմ՝ ապագայում փոքր տեխնիկական խնդիրները կհարթվեն, և մենք կխոսենք իրապես միջազգային բոլոր չափանիշներին համապատասխան ընտրությունների անցկացման մասին»,- ավելացրել է Լ. Ստեփանյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -42-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Ստեփանակերտի որոշ փողոցներում ժամանակավորապես կդադարեցվի գազամատակարարումը

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Բակո Սահակյանը հրավիրել է աշխատանքային խորհրդակցություն

Քարվաճառում առաջին անգամ կազմակերպվել է մեղրի փառատոն (լուսանկարներ)

Search