Artsakhpress

Հասարակական

«Պատանի երկրապահ» ակումբի ուսումնամարզական ճամբարում հանգստացած արցախցիներն անչափ տպավորված են

Օգոստոսի 5-15-ը Հայաստանի Հանրապետության Երկրապահ կամավորականների միության վարչության և «Պատանի երկրապահ» ակումբի համատեղ նախաձեռնությամբ կազմակերպված ուսումնամարզական ճամբարից արցախցի պատանիները վերադարձել են մեծ տպավորություններով:

«Պատանի երկրապահ» ակումբի ուսումնամարզական ճամբարում հանգստացած արցախցիներն անչափ տպավորված են

«Պատանի երկրապահ» ակումբի ուսումնամարզական ճամբարում հանգստացած արցախցիներն անչափ տպավորված են
ՍՏԵՓԱՆԱԿԵՐՏ, 11 սեպտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Արցախի թիմի ղեկավար Ինգա Այվազյանը՝ ավելացնելով, որ ստեփանակերտցիներից բացի ճամբարին մասնակցել են նաև շուշեցիներ՝ ընդհանուր առմամբ 10-15 տարեկան 40 երեխա:
«Ճամբարն անցկացվել է Գեղարքունիքի մարզի Ծովինար գյուղի վարչական տարածքում՝ Սևանա լճի անտառային ափամերձ գոտու հատվածում:Այն ընթացել է զինվորական ռեժիմով: Ըստ ճամբարի կարգացուցակի՝ կազմակերպվել են տարաբնույթ միջոցառումներ՝ զանազան պարապմունքներ, սպորտային մրցումներ, դաստիարակչական աշխատանքներ: Ճամբարականների հետ հանդիպումներ են ունեցել ՊՆ և ԱԻՆ ներկայացուցիչներ: Ճամբարի ծրագրի շրջանակներում անց է կացվել 10 դասընթաց՝ շարային պատրաստություն, ձեռնամարտ, մարտավարություն, առաջին օգնություն, կրակային պատրաստություն, ռազմահայրենասիրական դաստիարակություն, և այլն: Ֆուտբոլային առաջնությունում և ինտելեկտուալ խաղ-մրցույթում Արցախի թիմը գրավել է առաջին տեղ: Պատանիներին հնարավորություն էր տրվում լողանալու Սևանա լճում, երեկոյան ճամբարի տարածքում խարույկ վառելու և ժամանցային հետաքրքիր միջոցառումներ կազմակերպելու: Ճամբարի պետ Նարեկ Գասպարյանի նախաձեռնությամբ արցախցի պատանիների համար կազմակերպվել է արշավ՝ դեպի Սևանա կղզի:
Շնորհակալություն ենք հայտնում Երկրապահ կամավորականների միության վարչության նախագահ Սասուն Միքայելյանին, «Պատանի երկրապահ» ակումբի նախագահ Օնիկ Ավետիսյանին՝ մեր երեխաների ամառային առօրյան հետաքրքիր ու բովանդակալից դարձնելու համար»,-մասնավորապես ասել է նա:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -55-:

     

Ռազմական

Հասարակական

Տնտեսական

Ամենադիտված

ամիս

շաբաթ

օր

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Արցախցի մարզիկներն արժանացել են ոսկե մեդալների

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

Search