Artsakhpress

Հասարակական

Կարևոր հայագիտական ուսումնասիրություն՝ պարսկերեն լեզվով

Թեհրանում պարսկերեն լեզվով լույս է տեսել պատմաբան, Իրանի Իսլամական Հանրապետության Խորհրդարանի պատգամավոր Կարեն Խանլարյանի «Հայաստանի աշխարհագրության սահմանումն ըստ իսլամական աղբյուրների»  աշխատությունը:

Կարևոր հայագիտական ուսումնասիրություն՝ պարսկերեն լեզվով

Կարևոր հայագիտական ուսումնասիրություն՝ պարսկերեն լեզվով
ՍՏԵՓԱՆԱԿԵՐՏ, 11 սեպտեմբերի, ԱՐՑԱԽՊՐԵՍ: Առաջիկայում կհրատարակվի այս հույժ կարևոր ուսումնասիրության  հայերեն տարբերակը, փոխանցում է akunq.net-ը:
Հայաստանի՝ վայրիվերումներով լի պատմության էջերում բազմաթիվ են վկայությունները պատերազմների, կոտորածների և բռնագաղթերի վերաբերյալ: Որպես հետևանք այս ամենի՝ պատմական Հայաստանի տարածքի մեծ մասը գրավվել է Թուրքիայի և Ադրբեջանի կողմից: Այս իրողությունը ժխտելու նպատակով այդ երկրների պետական-քաղաքական գործիչները և «գիտական միտքը» մշտապես դիմել և դիմում են պատմությունը խեղաթյուրելու և քաղաքական աշխարհագրությունը նենգափոխելու միջոցներով պատմական Հայաստանի գոյությունը իսպառ ժխտելուն՝ առաջ քաշելով բացարձակ կեղծ ու շինծու տեսություններ, ինչպիսիք են «Ուրարտուի թագավորության թուրքական արմատները», «Արևմտյան Հայաստանում հայերի ոչ բնիկ լինելը», «Վերջին հազարամյակում Եվրոպայից Անատոլիա հայերի գաղթը» և այլն:
Թուրքիայի և Ադրբեջանի պաշտոնական պատմագրությունը կազմակերպված եղանակով այն միտքն են ներշնչում, որ եւրոպական և ռուսական պատմական ու աշխարհագրական այն բոլոր աղբյուրները, որոնք որևէ կերպ անդրադարձել են Հայաստանի պատմությանը, միայն և միայն ծառայել և ծառայում են հզոր երկրների իմպերիալիստական նպատակներին, ուստի և նրանք նույնպես արժանահավատ չեն: Ամբողջատիրության (տոտալիտարիզմի)  դպրոցներին բնորոշ այս մոտեցումը գիտական բանավեճն ի սկզբանե ապարդյուն է դառնում: Հետևաբար իսլամական աղբյուրներից մեջբերումների եղանակը նկատելիորեն կարող է չեզոքացել վերոնշյալ ամբողջատիրական և ոչ-գիտական մեթոդաբանությունը:
Սույն աշխատության նպատակն է 1100-ամյա ժամանակահատվածի (9-ից 20-րդ դարերի) իսլամական (իրանական, արաբական և օսմանյան) աղբյուրների ընձեռած հարուստ փաստական տվյալներով ապացուցել այդ, այսպես կոչված, տեսությունների սնանկությունը:
Կ. Խանլարյանը յուրաքանչյուր աղբյուրի սկզբում համռոտ անդրադարձել է տվյալ հեղինակի գիտական գործունեությանն ու  կենսագրությանը, քանի որ կենսագրական տվյալները կարող են նպաստել քննարկվող թեմայի գիտականությանը և աղբյուրից քաղված նյութերի առավել լուսաբանմանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -57-:

     

Ռազմական

Հասարակական

Տնտեսական

Ամենադիտված

ամիս

շաբաթ

օր

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Արցախցի մարզիկներն արժանացել են ոսկե մեդալների

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

Search