Ամերիկյան զինվորականները սաուդյան նավթային օբյեկտների վրա հարձակումից հետո հյուսիսից սպառնալիքները մեղմելու ճանապարհների մասին խորհրդատվություն են տալիս Սաուդյան Արաբիային:
ԱՄՆ զինվորականները հյուսիսից սպառնալիքները մեղմելու ուղիների մասին խորհրդատվություն են տալիս Սաուդյան Արաբիային
ՍՏԵՓԱՆԱԿԵՐՏ, 20 սեպտեմբերի, ԱՐՑԱԽՊՐԵՍ: Պենտագոնի ներկայացուցիչը հրաժարվել է տեղեկացնել, թե համարում են արդյոք ամերիկյան զինվորականները, որ անօդաչուների եւ հրթիռների օգտագործմամբ գրոհն իրականացվել է Իրանի տարածքից։ «Մենք չենք պատրաստվում իրադարձություններից առաջ ընկնել»,- հայտարարել է մամուլի քարտուղար Ջոնաթան Հոֆմանը՝ հավելելով, թե կան նշաններ, որոնք վկայում են, որ հարձակման մեջ Թեհրանն է մեղավոր, հաղորդում է News.am-ը։
Նշենք, որ ԱՄՆ-ը եւ Սաուդյան Արաբիան հարձակումների մեջ Իրանին են մեղադրում։ Վերջինը կտրականապես հերքում է մեղադրանքները։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -33-:
