Human Rights Watch միջազգային իրավապաշտպան կազմակերպությունն իր այսօր հրապարակված «Մարդու իրավունքները - 2015» զեկույցում նշում է, որ Ադրբեջանի կառավարությունն ուժեղացրել է իր քննադատների դեմ ճնշումները, հաղորդում է NEWS.am-ի Վաշինգթոնի թղթակիցը:
Human Rights Watch. Ադրբեջանում ուժգնացել են ճնշումները
ՍՏԵՓԱՆԱԿԵՐՏ, 29 ՀՈՒՆՎԱՐԻ, ԱՐՑԱԽՊՐԵՍ։ Զեկույցի հեղինակների կարծիքով, ճնշումների ուժեղացումը հանգեցրել է Ադրբեջանում մարդու իրավունքների ոլորտի դրամատիկ վատթարացմանը, որն առանց այդ էլ գտնվում է ողբալի վիճակում:
«Իշխանությունները դատապարտել կամ կալանավորել են առնվազն 33 իրավապաշտպանի, քաղաքական եւ քաղաքացիական ակտիվիստների, լրագրողների եւ բլոգերների՝ քաղաքականապես շինծու մեղադրանքերով՝ ստիպելով մյուսներին փախչել երկրից կամ ընդհատակ անցնել», - ընդգծում են միջազգային իրավապաշտպաններ:
Բացի այդ, Ադրբեջանի իշխանությունները սառեցրել են անկախ քաղաքացիական խմբերի եւ նրանց առաջնորդների բանկային հաշիվները՝ խոչընդոտելով նրանց աշխատանքին: Պաշտոնական Բաքուն նաեւ հրաժարվում է գրանցել օտարերկրյա գրանտները եւ արգելել է նաեւ որոշ քաղաքացիական ակտիվիստներին արտերկիր մեկնել: Արդյունքում, շատ կազմակերպություններ, այդ թվում՝ մի քանի առաջատար իրավապաշտպան խմբեր, ստիպված են եղել դադարեցնել իրենց գործունեությունը Ադրբեջանում:
Ճնշումները շարունակվել են նույնիսկ Ադրբեջանի Եվրոպայի խորհրդի նախարարների կոմիտեի նախագահության ժամանակ: Շատ քաղաքացիներ նաեւ բողոքում են ադրբեջանական ոստիկանների դաժան վերաբերմունքից, հավելում են զեկույցի հեղինակները:
