Սեպտեմբերի 24-30-ը Ռուսաստանի Դաշնության Անապա քաղաքում կայացել է քիք-բոքսինգի աշխարհի գավաթի մրցաշար (WAKO), որին մասնակցել են նաև արցախցի 4 մարզիկ:
Արցախցի մարզիկները քիք-բոքսինգի աշխարհի գավաթի մրցաշարում գրավել են մրցանակային տեղեր
ՍՏԵՓԱՆԱԿԵՐՏ, 1 հոկտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Արցախի ավանդական քիք-բոքսինգի ֆեդերացիայի փոխնախագահ, գլխավոր մարզիչ Արմեն Ղահրամանյանը:
Նրա խոսքով՝ մրցաշարին մասնակցել է 28 երկրի ավելի քան 1800 մարզիկ:
Արցախցի մարզիկներ՝ Նիկոլայ Մուսայելյանը 69 կգ քաշային կարգում և Հրաչ Համբարձումյանը 63,5 կգ քաշայինում զբաղեցրել են երրորդ մրցանակային տեղեր՝ արժանանալով բրոնզե մեդալների և պատվոգրերի:
«Մրցաշարը բավականին հզոր կազմ ուներ և անցնում էր լարված մրցաապայքարում: Մեր մարզիկները կարողացան ցուցաբերել իրենց կարողություններն ու հմտությունները և գրավել մրցանակային տեղեր: Նմանատիպ մրցաշարերը հնարավորություն են տալիս մարզիկներին, որպեսզի իրենց թույլ տված սխալները չկրկնեն և շտկեն բոլոր բացթողումները»,-ավելացրել է Ա. Ղահրամանյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -20-:
