Artsakhpress

Մշակույթ

Շուշիի Գոհար տիկնոջ Վերին մզկիթը լիովին իրանական կրոնամշակութային օրինակներից է. արևելագետ

Շուշիի Գոհար տիկնոջ Վերին մզկիթի պատմության ուսումնասիրման համար «Հայաստանի զարգացման նախաձեռնություններ» (IDeA) հիմնադրամը դիմել է Երևանի պետական համալսարանին, որպեսզի խումբ ձևավորենք՝ ընդգրկելով իսլամագետների, թուրքագետների, իրանագետների, արաբագետների, ադրբեջանագետների:

Շուշիի Գոհար տիկնոջ Վերին մզկիթը լիովին իրանական կրոնամշակութային օրինակներից է. արևելագետ

Շուշիի   Գոհար  տիկնոջ  Վերին  մզկիթը  լիովին   իրանական  կրոնամշակութային օրինակներից  է. արևելագետ
ՍՏԵՓԱՆԱԿԵՐՏ, 14 հոկտեմբերի, ԱՐՑԱԽՊՐԵՍ: Այս  մասին  «Արցախպրես»-ի   թղթակցի   հետ  զրույցում    ասել   է  Երևանի  պետական  համալսարանի  արևելագիտության     ֆակուլտետի    դեկան, պրոֆեսոր  Ռուբեն   Մելքումյանը:
 
Նրա  խոսքով՝   ձևավորված   խմբի  անդամներն     ուսումնասիրել  են   մզկիթի  կառուցման  նախադրյալները, գործունեությունը, դերակատարությունը  և  Արցախում  կրոնամշակությաին    կառույցների  ունեցած  դերը:
 «Համեմատել  ենք  հայկական  և   իսլամական  կրթական  հաստատությունները՝  ցույց  տալով դրանց  որոշակի  տարբերությունը:  Մզկիթը   կառուցվել է  1880-ական  թվականներին, մինչ  այդ  նույն   տարածքում  եղել  է    փայտաշեն   եղեգից  կառուցված   մզկիթ,  որը  գործել  է  մինչև   1920  թվականը,   և    խորհրդային  շրջանում     ծառայել է   որպես   թանգարան: Այս  մզկիթը   1960-ական  թվականներից  հետո    գոյություն   ունեցող  կառույցների  հիման վրա  վերականգնված  տարբերակն  է: Իրականացված  ծրագրի    արդյունքում     ամբողջությամբ   վերականգնվել  է    Գոհար  տիկնոջ  Վերին  մզկիթը՝  պահպանելով   նրա  առաջնային  տեսքը: Հիմնովին  վերականգնվել է նաև  մզկիթի    հարևանությամբ  գտնվող   մեդրեսի   շենքը  (հոգևոր  վարժարան), ընդլայնվել  և  բարեկարգվել  է  մզկիթի   հարակից  տարածքը, կառուցվել  է  պուրակ»,-մասնավորապաես  ասել է  Ռ.  Մելքումյանը:
Նա   նաև  տեղեկացրել է, որ  պեղումների  ընթացքում  հայտնաբերել  են, որ   մզկիթը  լիովին   իրանական  կրոնամշակութային օրինակներից  է, մզկիթի     արձանագրություններում  որևէ   ադրբեջանական  և   թուրքական     տառ  անգամ   չեն   հանդիպել, մզկիթի  հարակից  տարածքներում  տեսել  են  դիպուկահարների    փամփուշտների  պարկուճներ:
 
«1920-ական   թվականներին  հայ-թաթարական  բախումների  ժամանակ      մզկիթը     թաթարական  ուժերի  կողմից      օգտագործվել  է   ընդդեմ    հայ  ազգաբնակչության: Մզկիթի  պատերին   պահպանվել  են  Ղուրանից  վերցված  գրություններ, որոնց  մի    մասը  արաբերեն  է:  Պատերին  Գոհար  տիկնոջ  կտակի  իրանալեզու  գրությունն է, որտեղ          նշվում  է, թե    իր  ունեցած  անշարժ  գույքի  որ  մասն   է  տրամադրում  մզկիթի    պահպանմանը,  և  ովքեր  են     վկան  այդ  ամենի»,-ավելացրել  է  Ռ.  Մելքումյանը:
Նա  նաև  տեղեկացրել է, որ     «Հայաստանի  զարգացման նախաձեռնություններ»  (IDeA)  հիմնադրամի  ջանքերով   վերջերս   ավարտվել  են   նաև  Սուրբ  Թադևոսի  վանքի տանիքի վերակառուցման  աշխատանքները: Սբ  Թադևոսի   վանական   համալիրը, որը  գտնվում   է   հյուսիս-արևմտյան  Իրանում, բացառիկ  հոգևոր     նշանակություն  ունի  Հայ  առաքելական    եկեղեցու  համար  և  համաքրիստոնեական եզակի   ուխտատեղի  է:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -59-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ստեփանակերտի շենքերից մեկում հրդեհ է բռնկվել. մահացել է քաղաքացի

«Ղարաբաղ Տելեկոմ»-ը պարզաբանում է ներկայացրել

Մովսես Հակոբյանն ու նրա տեղակալներն ազատվել են պաշտոններից

Հրապարակվել է «Ուրարտու. մոռացված թագավորություն» ֆիլմի թրեյլերը

Մովսես Հակոբյանը նշանակվել է ՀՀ ՊՆ ռազմական վերահսկողական ծառայության պետ

Արայիկ Հարությունյանը երիտասարդ էր ու մեզ հետ միասին կռվում էր. Սասուն Միքայելյան

Ստեփանակերտում կայացել է «Վստահություն» կուսակցության հիմնադիր համագումարը

Բակո Սահակյանը ստորագրել է հրամանագիր 2020 թվականի ձմեռային զորակոչ անցկացնելու եւ զորացրում կատարելու մասին

Արցախում համահայկական ճամբար կկազմակերպվի

Search