Ռուսաստանը պատրաստ է տեխնոլոգիական աջակցություն տրամադրել Թուրքիային՝ 5-րդ սերնդի ազգային կործանիչ ստեղծելու գործում:
Ռուսաստանը կօգնի Թուրքիային 5-րդ սերնդի կործանիչ ստեղծել
ՍՏԵՓԱՆԱԿԵՐՏ, 18 նոյեմբերի, ԱՐՑԱԽՊՐԵՍ: Այս մասին լրագրողների հետ զրույցում Դուբայի ցուցահանդեսի ժամանակ ասել է ՌԴ ռազմատեխնիկական համագործակցության դաշնային ծառայության տնօրեն Դիմիտրի Շուգաևը, փոխանցում է tert.am-ը:
«Մենք այս ոլորտում առաջարկելու բան ունենք մեր թուրք գործընկերներին: Նրանք նույնպես շատ լավ աշխատանքներ են անում: Մենք կարող ենք լրջորեն օգնել նրանց»,- ասել է Շուգաևը:
Հիշեցնենք, որ 2017 թվականի ապրիլին Ռուսաստանի և Թուրքիայի միջև կնքվել է С-400 զենիթահրթիռային համակարգերի մատակարարման վերաբերյալ պայմանագիր: Այն դարձել է Ռուսաստանի ամենամեծ արտահանման պայմանագիրը ՆԱՏՕ-ի անդամ երկրի հետ:
C-400-ների մատակարարումը, որը ճգնաժամ էր առաջացրել Թուրքիայի և ԱՄՆ-ի հարաբերություններում, սկսվել է այս տարվա ամռանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -21-:
