Artsakhpress

Հասարակական

Ադրբեջանական ԱզերԹԱջ-ը Google-ում դիրքային առաջխաղացում է գրանցել` տեղաշարժելով Վրաստանի հետ սահմանը

 Ադրբեջանական «ԱզերԹԱջ» պետական լրատվական գործակալությունը Google Earth ծրագրում տեղաշարժել է Ադրբեջանի ու Վրաստանի սահմանը, որպեսզի հակադարձի այն փաստին, որ իրենց զինված ուժերը ներխուժել են Վրաստանի Հանրապետության տարածք: 

Ադրբեջանական ԱզերԹԱջ-ը Google-ում դիրքային առաջխաղացում է գրանցել` տեղաշարժելով Վրաստանի հետ սահմանը

Ադրբեջանական ԱզերԹԱջ-ը Google-ում դիրքային առաջխաղացում է գրանցել` տեղաշարժելով Վրաստանի հետ սահմանը
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍԱյս մասին նոյեմբերի 20-ին տեղի ունեցած մամուլի ասուլիսի ընթացքում ասաց «Օրբելի» վերլուծական կենտրոնի փորձագետներ Տարոն Հովհաննիսյանը:
2019թ. օգոստոսին Ադրբեջանի Պետական սահմանապահ ծառայությունը հայտնել է, թե Տավուշի հատվածում իրենք առավելության են հասել հայկական զինված ուժերի նկատմամբ, և գերադաս բարձունքներում նոր հենակետեր են ստեղծել:
«Չնայած, որ հայկական կողմը հայտնել էր, որ ադրբեջանական կողմի տարածած հայտարարությունն ապատեղեկատվություն է, և իրականում մենք ենք այդտեղ առավելության հասել, բայց մենք, որպես անկախ հետազոտողներ, փորձեցինք չեզոք ու անվիճելի աղբյուրներից այդ հետազոտությունն իրականացնել ու հասկանալ, թե ինչ է կատարվել: Քանի որ նախկին միութենական` խորհրդային հանրապետությունների միջև պայմանական սահմանազատումն իրականացվել է խորհրդային քարտեզների հիման վրա, ապա մենք «Google»-ի տրամադրած այդ սահմանային գծերը համեմատեցինք ԽՍՀՄ Գլխավոր շտաբի քարտեզների հետ, և այդ հատվածում ամբողջությամբ համընկնում էին: Խոսքը Հայաստան-Վրաստան-Ադրբեջան սահմանների միախառնման վայրի մասին է: Հայկական կողմի առաջխաղացումն այդ հատվածում` ըստ «Google»-ի քարտեզների, շուրջ 1.5 կմ է: Ադրբեջանական կողմը 400-500 մ առաջխաղացում է գրանցել նույն այդ հատվածում, բայց, արդյունքում հայկական կողմը նոր դիրքերը հաստատել է Հայաստան-Ադրբեջան սահմանագծի հենց սահմանագլխին: Ադրբեջանական կողմն, ըստ քարտեզի, մասամբ իրենց կողմում է առաջխաղացումը որոշակի գրանցել` նոր խրամուղիներ և մեկ-երկու դիրք, իսկ մասամբ ոչ թե եկել են դեպի արևմուտք, այլ բարձրացել են մի քիչ հյուսիս և ավելի ամրացրել են Վրաստանի Հանրապետության տարածքում իրենց ունեցած դիրքերը: Այդտեղ կա Պապաքարի բլրազանգված, իրենք 700 մ բարձրությամբ Պապաքար բլրի վրա նախկինում ունեին դիրքեր, այժմ ավելի են ծավալել իրենց դիրքերը, և ԽՍՀՄ Գլխավոր շտաբի քարտեզների ու արբանյակային լուսանկարների համաձայն այդ բլուրը տեղակայված է ոչ թե Ադրբեջանի, այլ Վրաստանի տարածքում»,- ասաց Հովհաննիսյանը:
Փորձագետը նշեց, որ «Bellingcat»-ը, որն անկախ հետաքննական լրատվամիջոց է, հրապարակել է իրենց կողմից արված հետազոտությունը:
«Բրիտանական այդ կայքը հրապարակում է միայն այնպիսի հոդվածներ, որոնք բաց աղբյուրների հետախուզական միջոցներից օգտվելով չոր վերլուծություն են իրականացրել: Թեև ադրբեջանական մամուլը փորձեց տարածել, որ հայեր են գրել, հայկական ազգանուններով է, և այլն, բայց, եթե այդտեղ լիներ ինչ-որ քարոզչական բան, որը չունենար ապացուցողական հենք, ապա այդ լրատվամիջոցում այն չէր հրապարակվի: Մեր հետազոտությունը եղել էր նոյեմբերի 1-ին, Ադրբեջանական պետական լրատվական գործակալությունը` «ԱզերԹԱջ»-ը, բավականին ծավալուն, անվանենք` հետազոտությամբ, անդրադարձել էր նոյեմբերի 12-ին»,- նշեց նա:
Հովհաննիսյանը հայտնեց, որ Ադրբեջանի պետական լրատվական գործակալությունն իրենց հետազոտությանը հակադարձելիս պարզապես ձեռքով տեղաշարժել է «Google Earth» ծրագրում Վրաստանի ու Ադրբեջանի միջև սահմանային գծերը:
«Այդտեղ տեքստին նայել պետք չէ, իրենք փորձել են հերքել, ես իրենց պետական լրատվական գործակալության անալիտիկ խմբից ավելի բարձր մակարդակ էի սպասում, որը երկու շաբաթ մտածել էր, թե ինչ պատասխան գտնի, որպեսզի Վրաստանին ասի, որ իրենք չեն մտել նրանց տարածք: Պետական լրատվական գործակալության վերլուծաբանները պարզապես տեղաշարժել են «Google»-ի քարտեզի գծերը, և այն տարածքները, որոնք իրենք զբաղեցրել են, արդեն իրենց գծած գծերով ներառել են Ադրբեջանի տարածքում, որպեսզի քարտեզով ցույց տան, որ իրենք Վրաստանի տարածք չեն մտել: Եթե ունենային այլ փաստարկ, իրենք այլ կերպ կհակադարձեին այդ վերլուծությանը, այսինքն` իրենք իրոք մտել են Վրաստանի տարածք»,- ասաց Հովհաննիսյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -51-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սարսանգի ջրամբարում 11 և 14-ամյա երեխաներ են ջրահեղձ եղել

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Արայիկ Հարությունյանը նոր նշանակումներ է կատարել

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Search